[sg_popup id=1]
الرئيسية \ منوعات \ تحذير..أحدث طرق النصب عن طريق الموبايلات

تحذير..أحدث طرق النصب عن طريق الموبايلات

انتشر على بعض قنوات التواصل الاجتماعى أحدث قضايا النصب على المواطنين عن طريق الموبايلات ..

حيث يحكى موقف نصب حصل مع شاب من ‏طنطا , ممكن أي حد يقع فيه بسهولة جدا, اقراه للاخر لأنه شبيه بمواقف تانية لكن دا فيه اختلاف:
.
خدمة عملاء ‏فودافون كلمته (بيظهرلك الرقم 888 او بإسم Cust Service) قاله انا من خدمة العملاء مبروك كسبت عربية BMW, الشاب قالهم تمام وماكنش مقتنع سألهم اضمن ازاي انه حقيقي ؟ بتاع خدمة العملاء قاله هرن عليك دلوقتي من رقمك انت, فعلا الشاب لقى رقمه هو بيتصل بيه (يعني كأنه بيتصل بنفسه) وخد منه رقم اخوه وخلى رقم اخوه يتصل بيه
.
وقاله كمان انت من طنطا ‏محافظة_الغربية وبياناتك متسجلة عندنا, الشاب اقتنع بعد الحركة دي, قالوله علشان تكسب لازم تبعتلنا أرقام كروت شحن بقيمة 300 جـ, جابهم فعلا وخربش الكروت وبعتهم, قاله ناقص بس تبعتلنا بكرة عالحساب البنكي 1500 جـ رسوم الاستلام وفي كمان 70 ألف ج ولو مش عايز تدفعها هنديك العربية عليها لوجو فودافون,
.
الشاب قالهم انا في البلد مش في طنطا مش هعرف اروح بنوك, قالوله خلاص هنبعتلك رسالة بعد نص ساعة فيها طريقة تانية ومعاد استلام الفلوس, الشاب استنى ملقاش رسايل, كلم حد يعرفه في فودافون قاله دا نصب روح اعمل محضر,
.
● طبعا دا مش موظف في فودافون وحركة الاتصال اللي عملها دي سهلة بتتعمل ببرامج بتنزلها عالموبايل بتشتغل بفيزا ومش غالية والبيانات هو مايعرفهاش اخره بس يعرف انت منين واسمك من برامج زي الترو كولر, وبعدها يبحث باسمك في الفيس بوك وبالنسبة للكروت اللي اخده بيشحنها عنده ويروح اي سنترال او ممكن هو يكون سنترال اصلا ويحولها للناس عالطاير وبكدا الفلوس بقت في ايده بدل ارقام الكروت. والصورة دي حقيقة للـ 12 كارت بـ 25 ج اللي اتبعتوا للنصاب
.
عايزين نلحق نلم الموضوع دا لأنه سهل أوي اي حد يقع فيها وفي ناس بسيطة كتير ممكن كمان تروح تحول فلوس في البنك طالما شايفة 888 بيتصل بيها, منشن صحابك شير للموضوع دا بسرعة وعرف اللي حواليك واهلك بالذات ..

عن علاء عبد الجليل

اترك رد

%d مدونون معجبون بهذه: