[sg_popup id=1]
الرئيسية \ محافظات \ الأسكندرية \ علاء عامر يعد وجبة من قصائده في ديوانه الاول “طبق كشري”…في قالب شعري

علاء عامر يعد وجبة من قصائده في ديوانه الاول “طبق كشري”…في قالب شعري

كتبت : ماجى المصرى                                                                                               بعد سنوات من ولوجه إلى عالم الشعر العامي…قرر الشاعر الشاب / علاء عامر اقتحام ساحة النشر بعد ان اعد عدته لإطلاق ديوانه الأول تحت عنوان لافت للنظر هو “طبق كشري” ليحمل بذلك اسم وجبة شعبية متنوعة المواد في تحضيرها وفق أذواق محبيها .وهذا ما اراده من دوانه الاول ان يقدم للقارئ وجبه دسمه من القصائد الشعريه العاميه المتنوعه وقام الشاعر مؤخرا بدفع مخطوط ديوانه إلى المطبعة بعد ان اختار مجموعة من اشعاره الأولى تضم …. قصائدة متنوعة في ألوانها واغراضها التي تحمل نبض الحياة ووقائعها اليومية . وجاء غلاف الديوان برسوم معبرة قام بتصميمها لتتناسب مع اسم الديوان……..ومن اشهر قصائده قصيده بعنوان ((اناقبل ما اكلت سميت)) ولا هتقوللى.. ذى عوايدك نسيت معلش النوبة دى سامحنى المرة دى شكلك حتى ما حمدتوش على النعمة ما شكرتوش طيب قوللى صليت من قلبك ودعيت ولا عشان ما حدش شايفك هتعمل ناصح مانا عرفك هتكدب تملى عليا وتعملهم عليا كالعادة وتقول اة طبعا دا شيى مفروغ منة الا الحاجة دى بالذات انت معلمهالى ومخلينى مواضب عليها حتى اسال وجاوبك مش هغلط واقولك كام ركعة صليت الصبح ولا الظهر ولا العصر بالتمام والكمال وكلة عال العال دنا برضة تربيتك وابنك وحبيبك مش كدا برضة يا حاج ربنا يخليك ليا ويطول لينا فى عمرك وفضل الواد ابن امبارح يكبر .يكبر شوية بعد شوية وينسى يسمى قبل ما ياكل .. والحاج فضل على سؤالة لاحد ما جالة.. اجلة و مات.. وما فضلشى حد يقول لة سميت ولا ما سميتشى هوة الصبح .. كان كام ركعة.. حافظ لسة الفتحة ولا نسيتها هي كمان شكرتة ولا ما شكرتهوش بس الواد لما عجز شاف نفسة ذى الحاج بدا يعلم ابنة تانى سميت ولا ما سميتشى صليت ولا ما صليتشى.. وقصيده اخري تقول ……. ((ماحدش واخد حاجة منها)) ماهى م الاخر دنيا فايتنها ما تزعلش ف يوم من حد ولا تعاتب ف يوم حد عشان ما فيش حد قلبة على قلب حد ولا حد بيخاف على حد ولاحد بيتحمل حد ولا تشغل فكرك بحد ولا تشكى مرة لحد ما هو ما فيش حد بيطبطب على حد ولو مرة حبيت حد لا سمح اللة حد وطلع لا مؤاخدة دا الحد مالوش مثيل دا الحد يبقى زعلك علية ما يفوقش الحد وسرك بلاش تدية لحد ساعة الزعل من دا الحد ح.ينسى ويتقلب دا الحد انسان ما تعرفلوش حد والعشرة ما تهونش على حد بتعيش الحياة تحب حد وساعات كتير تكرة حد وحبيب يتمنى يكون لة حد وتصاحب ناس مالها حد وناس مسنودة على حد ويموت ليك عزيز حد هوة النهاردة اية؟ السبت ولا الحد! ومن اروع ما كتب شاعرنا ((بصيت ف مرايتى)) خوفت من شكلى سابت مفاصلى قومت.ارتعشت هوة انا واحد بقلب جاحد ولا.اتنين.. تايهين عن بعض ما بقتش أصلى بقيت.ب.وش ب.الف.وش بيخاف ويغش بيشوف الظلم ولا يتكلمش دايما.مطاطى ف.الهوجة.محامى ولا يدافعش حسب المصالح ما الدنياصالح مصلحتة واضحة ولا يتها ونش اعلامى.خطير مالوش مثيل غاوى تحليل استاذ تمثيل ولا يخجلش صيتة مسمع ف.النور بيلمع دايما موافق ولابيعارض عشان منافق ولا ينكشفش حياتة.مبدأ انة مصدق الناس غبية وما بتعرفش خبير وعالم ف.كل.حاجة حويط.وفاهم وغيرة.دايما. مابتفهمش ف.بلدنا.دية عايشين.عيشتة وحالنا.حالة. و الزفة.لآ ما ما بتفرقش واخري تقول ((فوووق بقى)) الناس اتغيرت مشاعرها اتحجرت قلوبها اتعكرت ما بقتش ذى زمان ف.حب وخير وامان الجار بينسى جارة ولا بيسأل علية والصاحب ما بيلقى صاحبة وقت الشدة مش جنبة ولا يطبطب علية فوووق بقى حتى الحبيبة تسيبك تبص لواحد غيرك متريش قوى كمان يبعتر يمين وشمال وتنسى حب كان والاخ بيظلم اخوة ابن امة وابوة طمعان ف.ورث اخوة. ما تفووق بقى

عن إسراء السخاوى

اترك رد

%d مدونون معجبون بهذه: