أخبار أسيوط

أحمد ممتاز يكتب لليوم أمسية شعريةبعنوان ظلم الحبيب

بقلم: أحمد ممتاز 

انا قلبي ياما استحمل
ظلم الحبيب والجفا
انا قلبي والله ما هفا
بتسال ليه يا حبيبي خير؟
فكان ردي/
بتيجي ف اي وقت وتمشي
تهجري وتنسي
وانا قلبي فاتح بابه وينسى
واغفر واقول بكره تتغير
لكن كدا كتير
وع الظلم دا مش هقدر
طاب أسمعوا يا سادة
انا لما بغيب/
قايمة اتهامات
اني بسهر الليل بالساعات
واني صايع وبتاع بنات
ناقص تقول كمان
اني قاتل السادات
وتتهمني بجرايم زمن فات
واني سبب زلزال التسعينات
وكمان اعصار تسونامي
والمتسبب ف براكين تاني بلاد
واللي حاصل ف سوريا والعراق
وازمة اليمن ومجاعة الصومال
وسبب ان العرب دايما ف اختلاف
واني قاتل عمو القذافي
وعلى نظام بوتفليقه باقي
وسبب نكسة الاهلي
وضياع الكأس من الزمالك
وسبب ازمات زماني وزمانك
طاب دا عدل يا عم؟
ست البنات رايقه
وانا دايما شايل الهم
لكن خلاص كفاية ظلم
النهاردة قلبي ثأر وبيلعن الذل
قلبي من تبعيتك فاق
وقال انا النهاردة حر
معلون ابو دا حب
الحب دا حرية
يمامة بيضا ترفرف
تملى الدنيا سلام

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى