أحمد فلوكس لجمهوره: «أنا راجل حقاني ومابخفش»
محمد كامل
وجه الفنان أحمد فلوكس رسالة لمتابعيه من خلال حسابه الرسمي على موقع إنستجرام، وقال فيها: “فى يوم من الأيام … وأنا لا أعمل رغم نجاحي وفى عز سواد أيامى… قولت كلمة حق وهى حقيقة كانت وما زلت الحق ولم أخف أبدا ومقولتش أنا مالى… وقفت وقولت كلمة حق لبلدى…. وبسبب كلمة الحق دى اتحاربت من 4 دول و7 قنوات تابعة لهم غير أجهزتهم… ماخفتش وماهمنى وكنت واقف لوحدى وماهمنيش علشان أنا كنت على حق”.
وأضاف فلوكس: “اللي عارفني كويس عارف إن أنا راجل و حقاني و مابخفش …. مهما كنت املك من عيوب،،، بنيت نفسي بنفسي تعبت و شقيت قوي علشان ابقي بني ادم و من الصفر، بطولي و من غير أى ضهر كنت بعافر لبناء اسم محترم وقفت أمام جميع عواصف الحياة وأمام العواصف الناتجه عن النجاح وكان ربنا هو خير سند.. وخير القوة…. وكان حب الناس والنجاح فى عملى هو خير رد على جميع الأعداء”.
واختتم فلوكس كلامه قائلا: “أن القوة تأتى من الحق ومن عند الله …… اللى مخافش زمان عمره مايخاف دلوقتى.. واللى وقف أمام دول بقنواتها ومخافش عمره ما يخاف من ظلم أو غدر أو افتراء وعمره ما يخاف من ما يدبر له في الخفاء او في ظهره أو الخيانة. بل بالعكس يزيدني قوة … الحق يكون فى العلن ويكون سيفه هو الرجولة و المواجهة و الإصرار مهما كان أمامه من أعداء و الباطل دايما يكون في الخفاء و يكون سيفه هو أحقر البشر و أشباه الرجال و الكدب و التضليل، و الخسة و الخداع …… الحق و الدفاع عنه أخلاق الرجال و الباطل و المساندة له دايما أخلاق العاهرات….فان كنت عاهرة احذر من ظلم الرجال”.
وكان نشر الفنان أحمد فلوكس عبر حسابه الخاص على “فيسبوك”، توضيحاً للأخبار التي تم تداولها حول وجود خلافات بينه وبين المذيعة اللبنانية ديالا مكي أدت إلى انفصالهما، حيث كتب قائلاً: “توضيح للسادة الصحفيين والمواقع.. مش معنى إني بكتب شيء أو إني بكتب حكمة ده معناه إن سيادتكم تقرروا إني بكتبها لحد معين.. مش معني إني أسمع أغنية إني بوجه أغنية لحد… لا يصح أبدا أن يتم توجيه حكمة (خسارة الناس) على لساني لديالا… أنتوا لا تعلموا حياتي أو لمين بكتب علشان تكتبوا كده ولا أعتقد أنكم تقصدون الوقيعة لكن بالبلدي بلاش تاتش الإبداع في توجيه كلامي لشخص معين لأن لو أنا عاوز أوجه كلامي لحد هاقول على طول”.