غير مصنف

أنا المصري


بقلم الشاعر/محسن رجب جودة
أنا بصرخ بعلو الصوت
أنا حزني ماله حدود
أنا دمعي بل جبال
والفرحة بصوت مكبوت
أنا المصري اللي داق المر
أنا المصري اللي شاف ابنه ف عز الدُهر
الدم سايل م الجبين……والأيدين متشبكين ع السلاح والعلم
أنا المصري…لا أنا خاين ولا تابع
أنا المصري…ولا عمري هاكون بايع
أنا شاري لأخر العمر…….أنا شاريكي يا بلدي
أنا شاري لأخر العمر…….لأنك أمل ولدي
أنا المصري اللي شايل روحه على أيده
أنا المصري اللي ضحى بابنه وحفيده
أنا المصري اللي عمره ما حد هايهينه
أنا المصري اللي بايع عمره وسنينه
ده أنا المصري
دا أنا لوني كمان لونك……..دا أنا دمي سال على حدودك
أنا ابنك ….أنا عزمك أنا ضلك…..أنا شمسك
دا أنا الضل اللي حامي ولادك وأراضيكي
دا أنا الضل اللي طول عمري هاكون جمبك وراضيكي
دا أنا النار اللي تحرق كل خاين ليكي
لا أنا خاين ولا تابع
ولا عمري هاكون بايع
دا أنا المصري

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى