أخبار أسيوط

أنتشار الكلاب الضآلة داخل أسوار الحرم الجامعى بكلية آداب بأسيوط 

متابعة / صفاء العريان 
انتشرت منذ سنوات انتشار الكلاب الضآلة بشكل مكثف فى الشوارع وفى كل مكان فى محافظة أسيوط ، والأغرب انتشارها فى أماكن حيوية مثل المؤسسات الحكومية مثل وزارة الصحة والمدارس ، ومؤخرا انتشارها بشكل كبير فى الجامعات ، والأخطر هو عدم وجود ايضا امصال لعلاج عض الكلاب ،لذلك الكلاب الضآلة اصبحت من المشكلات الكبرى التى تواجه المواطن فى الشارع وفى اى مكان ولذلك ذهبت كاميرا اليوم لنقل المشكلة

حيث تحدثت لمياء رجب ، طالبة ماجستير صحة نفسية

الكلاب الضالة دى مش منتشرة فى الجامعة بس دى فكل مكان ونباحهم طول الليل بيبقى مزعج جدا وخصوصا بالنسبه للطلاب وبيأثر على تركيزهم خصوصا فترة الامتحانات دى . واكتر اسباب تواجدهم بيبقى فى الزبالة اللى فى الشوارع بتبقى دى أماكن تجمعهم وتجمعهم فى مكان واحد بيرعب الناس وبيخليهم يغيروا طريقهم احيانا، مديريات الصحة او الطب البيطرى لا يقوموا باى اجراءات وقائية هى فقط بتعالج اللى بيتعرض لعض منهم المفروض فيه امصال بتتاخد علشان الواحد لو لا قدر الله اتعرض لعض يكون محمى على الأقل يدوها للناس الأكثر عرضه لذلك. ولو هيكون فيه حل أفضل من كده أنهم يجمعوا الكلاب دى فى ملجأ مش لازم يكون على أعلى مستوى بس يكون حل وسطى للمشكلة

وأضاف عصام عابد ، رجل اعمال

انتشارهم باعداد كبيره وتجمعهم مجموعات تسبب الذعر للماره والخوف وتهدد حياه الانسان وخطر يجب التصدي له من الجهات المسؤله خصوصا ان الكلاب الضاله او المنتشره بكثافه ممكن ان تكون مصابه بالسعار واذا هجمت علي الانسان واصابته بالعض والافتراس ممكن يتسبب الوفاه بسبب انتشار المرض بجسم الانسان
يجب التنسيق بين الجهات المختصه والطب البيطري والجهات المسؤله للتصدي للظاهره الخطيره وخصوصا بمكان العلم والمعرفه بجامعه اسيوط

واضافت ايمان حسن ، كلية خدمة اجتماعية

لا مش عجبنى المنظر وحطين ليه كلاب فى الجامعه خايفين من السرقه هى الكلاب هتحمي الجامعه ولا حطينا علشان الفيران ده غلط جدا انهم يعملووو كده وسيبينها وسط الطلاب حتى لو كانت مش بتاذى ده مكان ليه قدسيته مينفعش كلاب فيه

واستكملت الحوار الشيماء جمال. طالبة ماجستير
وجود الكلاب فى الشارع يمنعنى من الذهاب الى عملى خوفا منهم ، وذلك ترك بداخلى نوع من الفوبيا ولذلك أطالب المسئولين بحلول جذرية لمواجهة المشكلة

واخيرا أضافت لمياء مصطفى ، كلية خدمة اجتماعية
أنا أرفض قتل الكلاب الضالة بالسموم لانها حرام شرعا ولكن تطالب بحل وسط لايقتلهم ولكن يضعهم بعيدا عن التجمعات السكانية

الرابط:
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق