جهاد علي
كشف اليوتيوبر عبد الله عنان، أول يوتيوبر يعلن استجابته لدفع الضرائب على المنصات الالكترونية، عن تفاصيل توجهه إلى مصلحة الضرائب للخضوع لدفع الضريبة قائلا: “كنت ناوي افتح شركة اسمها شارع العلوم مع صديق ليا ودي كلها تقتضي تحركات رسمية وتراخيص ودفع ضرائب حتى نتحرك في اطار رسمي”، محذرا من الاستناد إلى تقديرات أحد مواقع السوشيال ميديا لمعرفة أرباح اليوتيوبر في مصر.
وسرد اليوتيوبر عبد الله عنان، في لقاء عبر الفيديو كونفرانس ببرنامج “حديث القاهرة” مع الاعلامي خيري رمضان وكريمة عوض، على قناة القاهرة والناس، كيفية الحصول على ارباح اليوتيوب، قائلا: “الموضوع عرض وطلب وعندنا في مصر نحصل على 25 سنت لكل الف مشاهدة وفى الخليج 2.5 دولار لكل الف مشاهدة”، موضحا أن الذي يقوم بدفع الأرباح شركات الاعلانات وليست يوتيوب.
وتابع: “يتم الاعلان عن كل شركة وكل منطقة لها العملة والتسعيرة الخاص بها وكلها تخضع للتقدير وتوزع، وأنا بتحاسب من خلال 3 حاجات وده يعرفه اى رجل شغال على السوشيال ميديا بيبقى لنا هدف الانتشار والربح والانتشار بيتم تحقيقه عن طريق الفيديوهات الصغيرة اللي على تيك توك وانستجرام وفيس بوك”.
واستكمل: “اى فيديو اقل من دقيقة مش بيجيب فلوس والفيديوهات اللى ما بين دقيقة و8 دقائق بتحط اعلان في الاول والاخر، وتلاقى لو فيديو جاب فيه مليون مشاهدة بيحصل على 200 دولار ولو الفيديو اكبر من 8 دقائق الناس يوتيوب هتحط اعلان في الاول واعلان في الاخر واي عدد تحطه في النص بس لازم يكون الفرق بين الاعلان والاعلان مدة دقيقتين ودي بيرجع لذكاء اليوتيوبر اللى هيحط الاعلانات، والفيديو اللى اعلى من 8 دقائق تتراوح ارباحه من مليون مشاهدة بيحقق من 400 دولار الى الف دولار”.
وأشار اليوتيوبر عبد الله عنان، إلى ان الاعلانات في مصر في رمضان اغلى وكل اليوتيوبر مضوا مع اليوتيوب خصم 14% على أي مشاهدات تأتي من امريكا لان حكومة امريكا بتأخذ ضرائبها من اليوتيوب بالتعاون مع اليوتيوب، مضيفا:”اى امريكي بيشوفني امريكا بتحصل منا على ضرائب”.
وعن موقفه من دفع ضرائب المنصات في مصر، رد قائلا: “مش انا اليوتيوبر الوحيد اللى متشجع لخطوة فرض الضرائب وفي ناس كتيرة متشجعة بس الالية مكنتش واضحة، والضرائب هتعمل ايه عشان تعرف دخل اليوتيوبر هناك طريقين كشف الحساب اللى جاي من جوجل والبنك المركزي عارف من خلال التحويلات من الخارج وفيها بيان بالارباح من يوتيوب، والبنك المركزي يراقب كل التحويلات التي نحصل عليها من يوتيوب”.
