حذرت الإعلامية أسماء مصطفي ، متابعيها من الإهمال في صحتهم، وتجاهل أي عرض أو ألم يتعرضون له، حتى لو كان بسيطا، حتى لا تتفاقم الحالة وتتحول إلى مرض مزمن.
وكتبت عبر صفحتها على موقع التواصل الاجتماعي ” فيسبوك”،: “أنا بكتب الكلام ده علشان عارفة أن فى ناس كتير بحبهم وأتمنى نصيحتى توصل للكل، أنا كنت مبشتكيش كتير، كنت طول الوقت باجى على نفسى، ابتلاءات فى حياتى خلتنى آخر حاجة أفكر فيها أدخل مستشفى أو أعمل أى فحص، كنت بتعامل مع المسكنات زى البنبون والمسليات، أتعب أخد مسكن وأكمل، مكنتش أحب أحسس اللى حواليا بتعبى”.
وأضافت : “كنت أخدها طول وعرض، لحد ما اكتشفت أن السرطان بياكل فى معدتى، وحتى بعدها كنت بدور على علاج ميخليش أعراض تظهر، علشان أخبى على عيلتى وأكمل شغلى، وموجعش قلب حد، لحد ما المرض غلبنى.. نصيحة لوجه الله لما تتعبوا قولوا، روحوا اكشفوا واطمنوا على نفسكم، بلاش العادة السيئة، أى دواء من الصيدلية ومسكنات ونكمل، أرجوكم بلاش”.
وتابعت:” صبرى على الألم وأنى كنت باخد الحاجة على نفسي وأعصابي، خلاني مروحتش أكشف غير لما لاقيت نفسى فعليا بقع، ولو كان المسكن يومها جاب نتيجة، أكيد مكنتش هروح المستشفى، من رحمة ربنا أن الألم كان أكبر من احتمالى، ودلوقتى بتمنى يوم واحد بس بدون ألم”.
