دعامة القلب يحتاجها الكثير من المرضى للخروج من الأزمة القلبية التي قد تودي بحياة صاحبها، ولكن ما هي دعامة القلب الذكية وما فائدتها.. هذا ما سنعرفه من خلال الدكتور دكتور محمد سعد الجمال استشاري القلب والاوعيه الدمويه، حيث يقول:
ببساطه الدعامه دى تقريبا زى سوستة قلم الجاف وهناك تلاتة مكونات للدعامة.
١-جسم الدعامه
٢-والماده اللى بتمسك الدوا
٣-والدواء اللى محطوط فى الدعامه…
جسم العامه هو عباره عن انبوبه مصنوعه من سبيكه من النيكل قطرها حوالى ملى بتتقطع لأطوال مختلفه من ١سم الى ٤سم الا كام ملى…
وتدخل الانابيب دى مكنة تقطيع بالليزر تخرم الانبوبه وتحول جدرها لشبكه بسمك صغير جدا وكمان تحفر على سطحها الخارجى ملايين من الكهوف العميقه ماتتشافش الا بالميكروسكوب.
الدعامه تدخل مكنه تانيه تصنفرها وتشيل من عليها الشوائب والتشققات.
٢-الماده اللى بتشيل الدوا..
فى الفيزياء فيه حاجه اسمها بوليمر
وبلاش دوشة دماغك فى التفاصيل..
الماده دى حتت تتشاف تحت الميكروسكوب عدده بالملايين وظيفتها تكلبش فى الدوا وتخليه يطلع وحده وحده على مدى شهور..
فبيتحط الدواء على البوليمر وتتملى به الكهوف اللى على سطح الدعامه.
٣-الدواء.
طبعا الدواء انواع وحكايته كبيره مش ضرورى تفهمها وسيبها لل الدكاتره
بعد ما تتحط الدعامه فى الشريان الدوا ده يطلع من الكهوف ببطء عشان يمنع نمو بطانة الشرايين وده ولو حصل الدعامه تضيق والقصور بتاع الشريان يرجع تانى…
طبعا ده ببساطه شديده ممكن تزعل اساتذتنا بتوع القلب… وانا اعمل ايه ???.
دي الدعامة الذكية دواللى بتنقذ ملايين البشر من الموت…
وهناك دعامات اخري
دعامه عاديه
ودعامه مابين الدعامة الذكيه والدعامة العاديه
