قال حازم إمام، صانع ألعاب الزمالك ومنتخب مصر الأسبق، في تصريبحات إذاعية: “مفيش زملكاوى واحد زعلان من اللاعيبة لانهم مقصروش وعملوا ماتش حلو ، لكن مبروك للأهلى هدف قفشة جه فى وقت صعب وهدف شيكابالا عالمى ، كل أهداف شيكابالا حلوة بس الهدف الأخير مش طبيعى”.
وأضاف: “الناس خايفة وقلقانة من سيناريو 2005؛ لكن ياجماعة متقلقوش النادى هيبقى كويس وتصريحات المسئولين الجدد جميلة ومطمئنة خاصة أنهم استعانوا برموز كبيرة للزمالك مثل، كابتن أيمن يونس، عبد الحليم على، أحمد رمزى، وأشرف قاسم، وكلهم يعشقون الزمالك وقادرون على إعادة ضبط الأمور”.
واختتم إمام: “اطمنوا ياجماعة ..الدولة مش هتسيب الزمالك يغرق ..هيا مسألة وقت ولخبطة تسليم المجالس، وكل شىء هيرجع لوضعه ومتخافوش مش هيحصل إيقاف للقيد بسبب مديونية الـ 30 مليون جنيه، واثق أنه هيتم تقسيط المبلغ”.
