فن ومنوعات

بكتب الشعر من روحي


بقلم مصطفى سبتة
قصيده شعرمش ليكي
ولا حتي علي مقاسك
لا فيها وصف لعنيكي
ولا دوبان في احساسك
.ولا وصفك ولا شكلك
ولا بين السطور اسمك
ولا المكر الي من كعبك
لحد الطرحه علي راسك
قصيده سايبه ديواني
وهاجه عالورق مني
وسابت قلب احزاني
عشان عجزت تطمني
لا فيها شات ولا تيلفون
ولا بحبك قوي بجنون
ولا فيها السهر بالليل
ولا فيها قسي وشجون
حالولت ادفنها جوايا
وماقدرتش
وجات في خيالي قالتي
قوام اكتب
طب اكتب ايه ؟
دا نا كاتب قصايد هم
ما بتتلم جوايا
بيبقي القلب فحمايه وبتوهوج
وعلشانها اتناسيت المي
وقلمي عملته هوايا
بحبك كات بتخرج مني مش
بيدي
دي كات محفوره جوايا
تزاحم دمي في وريدي
بتكتم جوا مني الاه
وترسم بسمه علي وشي
وحبك جوا مني تاه
وانتي جليد ما بتحسي
وكل الخلق بتشوفني
تقولي حرام عليك نفسك
وكان صحبي مخوفني
يقولي فوق دي بتغشك
ما صدقتوش
وصدقت الهوا فيا
وقلبي الي اتملي بيكي
ودلوقت بقي اخري
اشوفك من بعيد لبعيد
واكتب شعر للغدر
الي في عنيكي
صحيح اشعاري في
الاول كانت وصفك
لكن دلوقت اشعاري
لا تنفع ليا ولا ليكي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى