تحدثت الفنانة ناهد السباعي، عن تفاصيل الأزمة الصحية التي تعرضت لها خلال الأيام الماضية.
وكتبت السباعي، عبر حسابها على إنستجرام: “شكر واجب لمستشفى السلام..مستشفى على أعلى مستوى من المهارة والكفاءه والخبرة والضمير”.
وتابعت: “من حوالي أسبوع تعبت جدًا، وجع شديد يشبه وجع انفجار الزايدة والمرارة.. روحت أقرب مستشفى كشفوا عليا، وعالجوني وأدوني محاليل وأدوية غلط وروحوني البيت.. فضلت تعبانة وسخنت، إحساس صعب قوي إنك تبقى موجوع وتعبان ومحدش عارف عندك إيه”.
واستكملت: “روحت للدكتور سمير چورچ – دكتور باطنة بعتني فورًا لمستشفى السلام للدكتور ماهر ويليم – دكتور جراح ورغم إنه دكتور جراح لكن لا يفضل الجراحة وبيخليها آخر حاجة بعد ما يعمل كل المحاولات”.
وأضافت: “أما بالنسبة لطاقم التمريض فهم على أعلى مستوى من الكفاءة والخبرة.. شكرًا دكتور الباطنة سمير چورچ أحسن دكتور باطنة في مصر، شكرًا الدكتور الجراح ماهر ويليام.. شكرًا دكتور النساء شريف باشا سيف، أنا بفتخر بمعرفتك من أكتر من عشرين سنة.. شكرا دكتور ديڤيد.. شكرا لرئيسة قسم التمريض لبنى.. شكرًا لكل الممرضين بجد والممرضة أشجان..بفضل الله الشافي وفضلكم، أنا أحسن دلوقتي الحمد لله كثيرًا”.
