أهم الأخبارفن ومنوعات

«متقعش زيي».. رسالة غير متوقعة من ريهام سعيد لمحمد رمضان

جهاد علي

ساندت الإعلامية ريهام سعيد، الفنان محمد رمضان، بعد لقائه أمس فى برنامج «نشرة التاسعة» مع الإعلامي وائل الإبراشي، والذي أثارت جدلاً كبيرًا على مواصع التواصل.

وعلقت «سعيد» على حلقة أمس، قائلةً: «محمد رمضان بيفكرني بنفسي من 6 سنين لما عديت الخطوط المشروعة للنجاح».

وأضافت، عبر صفحتها الشخصية بموقع التواصل الاجتماعي «إنستجرام»: «كانوا بيألفولي تهم وكل تهمتي صدقي وثقتي بنفسي ونجاحي يارب ينصرك يا محمد وماتقعش زيي».

View this post on Instagram

هتفضلي زي ماانتي معدنك اصيل بتقفي جمب كل زمايلك و تدافعي عن اي حد في ازمة و تمشي عكس التيار و تقولي كلمة الحق اللي ترضي ربنا و ضميرك جابرة الخواطر اكتر واحدة اتظلمتي و مجربة احساس الظلم و حاسة بيه مش عايزة تشوفي حد بيتظلم دايمآ بتطلبي الرحمة و ضد اللي بيعملوا أعداء النجاح رغم ان محدش وقف جمبك في ازمتك بس لسه جواكي نضيف و قلبك ابيض زي ماهو بتقفي جمب كل الناس و الضعيف و المظلوم بتقفي في ضهرهم وقفة بمليون راجل انتي ست جدعة اوي هما ميستاهلوش انسانة جميلة زيك تبقي معاهم ربنا يجبر بخاطرك و ينصرك و يراضيكي و يديكي علي اد نيتك و قلبك النقي الابيض . الناس اللي بتقول ريهام بتطبل و واقفه جمبه منتظره محمد يشغلها هو هيشغلها وهو كان هيتوقف! هي عشان مش بتحب الظلم و حقانية يبقي لازم عايزة منه حاجه عشان تساند زميلها! "ريهام اعتزلت عن المجال كله و هي اللي مش عايزة ترجع تاني" وهي بتقول كلمة حق مش بطبل ليه ولا لغيره ولا منتظره منه حاجه ولا من اي حد . واللي بيقول ان معبرهاش ومرداش يقابلها ولا سأل عليها ده اكبر دليل ان محترمة و مبشخصنش الأمور ببعض هي عندها مبدأ و ماشية عليه و معروف عنها المواقف الجدعه مع كل الناس ده زميل ليها تعب و اجتهد و بني نفسه بنفسه و نجح و وصل للعالمية وهي بتقدر اي حد بيشتغل و يجتهد بعيد عن ان في حاجات بيعملها مبتعجبش ريهام وهي مبتكلمش محمد بس هي محترمة مبتفرحش في قطع ارزاق حد وبتتمني الخير لكل الناس . محمد فكر ريهام بنفسها لما كانت بتشتغل باخلاص و مجتهدة و ناجحة و كان الناس بتحاربها عشان نجاحها عدت الخطوط الحمرا للنجاح و بتقول الحق و تنصف المظلوم والناس بتقطع فيها في عز ازمتها محدش وقف جمبها . لما الناس تجتمع علي شخص بكل قسوة و عدم رحمة بتحسي بيه و تساندي واقفة لوحدك بتقولي اللي بيرضي ضميرك الناس بتحاربك علي صراحتك و انك مصممة تقولي الحق محدش هيفهم ده لان مش كل الناس جدعة زيك و ميعرفوش يعني اي مواقف جدعة . كمان ده رأيها وهي حره في قالت رأيها زي م كل الناس بتقول . احساس الظلم وحش اوي خصوصا لما تبقي بتشتغل بضمير و مخلص في شغلك و بدل ماتتكرم يحاربوك ويعملوا مكايد علشان يوقعوك و يكسروك وانت كل ذنبك انك ناجح 💔 حسبنا الله و نعم الوكيل في الظالم 💔 . #ريهام_سعيد #محمد_رمضان #reham_saeed #reham_said #rehamsaeed #rehamsaid #mohamedramadan #mohamed_ramadan #rehamsaidlovers

A post shared by 👑 Reham Said ريهام سعيد 💖 (@rehamsaidlovers) on

ويشار إلى أن ريهام سعيد، ساندت محمد رمضان، في وقت سابق، وعلقت على منشوره قائلةً: «ربنا يوفقك»، وبمجرد كتابه التعليق انهالت عليها التعليقات السلبية والإيجابية في نفس الوقت على النحو التالي:

حيث قال أحد النشطاء: «ياااه مش كنتي بتقولي انا مش شايفة محمد رمضان يالهوي على النفاق».

وأضاف آخر قائلاً: «عليكي تطبيل مشفتهوش في حياتي طلعتي معاهم معاهم عليهم عليهم».

ليعلق ناشط آخر: «مش دا محمد رمضان اللي مرضاش يديكي دور فب المسرحية ومرضاش يقابلك».

منع ظهور محمد رمضان على الفضائيات

قدم المحامي أيمن محفوظ، شكوى للمجلس الأعلى للإعلام، لمنع ظهور الفنان محمد رمضان ومطربي المهرجانات الشعبية في القنوات الفضائية والصحف.

وقال محفوظ في شكواه على النحو التالي: «إيمانا منا بإعلاء سلطات الدولة وفرض القانون على الجميع بدون سوا، وبصدور قرار نقيب الموسيقين بشأن منع التعامل مع مطربي المهرجانات الشعبية بما فيهم الفنان محمد رمضان، نطالب بإصدار قرار بمنع استضافة مطربي المهرجانات الشعبية بالفضائيات، ونشر تصريحات لهم بالصحف والمواقع».

وتابع: «ونص القانون 35 لسنة 1978 على أن أموال نقابة الموسيقين هي أموال عامة، ووضع عقوبة الحبس على مخالفه قرار المنع وحيث إن ميثاق الشرف الإعلامي ومدونة السلوك المهني، ملزم لجميع الإعلاميين، وبالتبعية لكافه الوسائل الإعلامية».

وأوضح: «المجلس الأعلى للإعلام هو المنوط به الحفاظ على المحتوى الإعلامي في مصر وهو السلطة المهيمنة على تطبيق كافة القوانين والقرارات التي تخص المنظومة الإعلامية ككل، والذي بالطبع من سلطاته رصد المحتوى الإعلامي والأداء الصحفي وبالإضافة إلى ذلك يُخضع المخالفين للعقوبات الجنائية المقرِّرة لتلك الجرائم في القوانين الأخرى وأنه طبقا للماده 19 من القانون رقم 180 لسنة 2018، الذي أتاح في للمجلس الأعلى لتنظيم الإعلام أن يصدر قرارًا بالحجب لكل مخالف لأحكام القانون أو توجيه عقوبات الإيقاف لمدة معينة لمخالفة أي وسيلة إعلامية، قرارات المجلس الأعلى للإعلام».

واختتم محفوظ قائلاً: «حرصًا على تطبيق القانون وبما للأعلى للإعلام من سلطان في ذلك إصدار قرار بمنع استضافة محمد رمضان ومطربي المهرجانات بالقنوات الفضائية، ونشر تصريحات لهم بالصحف والمواقع دون الأخبار التي تستلزم العمل الصحفي».

الرابط:
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق