إسراء شريف
أوضح الفنان زكي فطين عبد الوهاب عن رأيه في أغاني المهرجانات، وقرارات منعها التي تصدر من حين لآخر.
نشر زكي عبر حسابه على فيسبوك : “أغاني المهرجانات فيه اللى بيحبها وفيه اللى مابيحبهاش.. زيها زي أي لون تاني في الغناء.. يعجب ناس ومايعجبش ناس.. أنا عن نفسي شايف إن أغانيهم فيها تلقائية وبساطة.. والمنع مش هيوصل لحاجة، لأنهم هيكملوا هيكملوا بشكل أو بأخر، وراكبين الترند ومطلوبين .. وبالعكس المنع هيزيد من شعبيتهم مش هيقلل منها”.
وأضاف: “سألت صديقي الموسيقار والمايسترو المبدع راجح داود إمبراطور الموسيقى التصويرية فى الافلام عن رأيه فيهم، قال إنهم عاجبينه، عايز تعمل رقابة على كلمات أغانيهم ماشى.. بس بلاش المنع .. رأيكم ايه؟”.
وكان زكي فطين عبد الوهاب، نشر قبل فترة عن إصابته بمرض السرطان، بعدما انزل صورته وهو حليق الرأس على الفيس بوك ، وتعافى من المرض بعد تعرضه للعلاج، وعاد لاستكمال نشاطه الفني.
