شاهد.. سائق اللودر يطالب بتعويضات مادية ويؤكد: مفيش مهندس وجهني

0 2
أحمد حمدي

أكد محمد عاطف، سائق اللودر الذى نجي بعد هدم عقار تابع لمحافظة الجيزة،  أنه فور سقوط المبني عليه المكون من خمس أدوار بالجيزة لم يسعى لانقاذه أحد من المهندسين الفنيين.

وأشار “عاطف”، خلال مداخلة هاتفية، ببرنامج التاسعة مساء، مع الإعلامي وائل الابراشي، مساء اليوم الاثنين، إلى أنه تم تدمير اللودر تمامًا خلال سقوط العمارة الطويلة بالجيزة، مبينا أن هناك كسور فى جسده  باالاضافة لمشاكل نفسية جسيمة .

وتابع: “أنا لحد دلوقتي مش مصدق انى عايش، ونفسيتي ادمرت، حاولت انقذ نفسي من الموقف ولم استطع الهروب، لو جريت كنت مت فى الحال، على ما فكرت الف عشان ادور للجهة التانية الادوار الخمسة نزلوا عليا مكنش فيه فرصة افط من الحفار لانى كنت انتهيت بالفعل”.

واستطرد قائلا: “كان فيه ناس جمبيا أول ما المبني نزل عليا الناس كلها اللى حوليا طارت فوراً، محدش وقف ولا سأل فيا، حسيت انى مش دريان بنفسي، وعايز انقذ نفسي باى شكل، وجودي فى الكبينة حمانى بعد فضل الله والحمد لله فيه تراب وصلني وطوب صغير لكن غير مؤثر، بعد ما طلعت من الحفار لوحدي صليت شكر لله، كانت أول مرة فى حياتي اشتغل فى الهدم ده، المفروض يكون معايا مهندس يوجهني”.

وطالب بالتعويض المادي نظرا لما وقع عليه من هدم للودر باالاضافة لعلاجي لان فيه اصابات كثيرة فى جسدي قائلا:” الجندي لما بيحارب ويضرب بالنار، بيشيلوه ويتعالج على حساب الدولة والمفروض كانوا جابولي اسعاف وعالجوووننني، مين هيصرف على بيتي وانا قاعد حزين على اللودر اللى ادمر”.

فيديو

اترك رد

لن يتم نشر عنوان بريدك الإلكتروني.