كشفت الفنانة جيلان علاء، عن شعورها بعد مشاركتها في تجهيز مساعدات لأهالي غزة.
وكتبت جيلان علاء عبر حسابها على إنستجرام: “الواحد مش بيحس بالعجز طول ما هو بيشتغل بإيده عشان يحس إنه عمل حاجة ولو بسيطة ممكن تفرق مع بني أدم واحد.. وعشان كدة بشكر مؤسسة أهل مصر على الدعوة للمشاركة فى يوم زى ده”.
وتابعت جيلان علاء: “كمية طاقة حلوة وناس أحلى.. أطفال وشباب كتير إتفاجأت بوجودهم.. إشتغلنا بجد بإيدينا حوالي ٥ ساعات… إحساس حلو إنك تساعد و إحساس أعظم إن المساعدة توصل .. هما طمنونى دلوقتى إن فى ٧ عربيات “كونتينر” جاهزين هيطلعوا النهاردة إن شاء الله.. شكرا للجدعان اللي تعبوا إمبارح .. شكراً لكل ست جابت بنتها أو إبنها.. و ربنا قادر يزيح الغمة عن قريب”.
وأضافت جيلان: “صباح الفل وربنا يكرمكوا كلكوا ويكرم أستاذة هبة السويدي على كل ثواب بني آدم كسبه إمبارح بسببها ويجعله بالفايدة يا رب”.
