أهم الأخبارفن ومنوعات

«شوفت الموت بعينيا».. عمرو يسري يعلن شفاءه من كورونا

جهاد علي

أعلن الممثل عمرو يسري شفاءه من فيروس كورونا المستجد، الذي أُصيب به وعانى منه في رحلة طويلة.

ونشر عمرو يسري، مقطع فيديو على موقع التواصل الاجتماعي «فيس بوك» روى فيه تجربته ورحلته مع المرض قائلاً: «وحشتوني أنا الحمد لله بقيت كويس وخفيت، مكنتوش سايبني بدعاكم، بشكركم من كل قلبي، حب الناس ده مش شيء بسيط كمية التليفونات اللي جاتلي من زمايلي وأصدقائي المقربين مش قادر أوصفه، حب الناس أكبر شيء أخدته في دنيتي، اكتشفت ان الناس بتحبني وربنا بيسبب الأسباب عشان تعرف قيمتك عند الناس، الأزمة عدت على خير وكانت مرحلة صعبة».

وأضاف «يسري»، موضحًا: «شوفت الموت بعينيا في يوم، ربنا يكفيكم شر المرض ده ويبعدكم عنه، لازم تاخدوا بالكم كويس أوي وتاخدوا حاجات تديكم مناعة».

شاهد الفيديو..

إقرأ أيضًا

داليا البحيري: أطالب بحظر كامل واللي يكلمني على العمالة هضربه بالشبشب

وهاجمت الفنانة داليا البحيري، سابقًا، المواطنين الذين خالفوا حظر التجوال، واستخفوا بانتشار وباء فيروس كورونا المستجد «كوفيد 19»،عبر النزول في الشوارع.

وعلقت الفنانة داليا البحري، عبر صفحتها الشخصية بموقع التواصل الاجتماعي «فيس بوك»، قائلة: «مبقاش أنا محبوسة في البيت أنا وأهلي داخلين على 36 يوم وزينا ناس محترمة كتير، ولو لا قدر الله حد فينا تعب مانلاقيش سرير في مستشفى عشان واحد حيوان كان مقضيها خروج بيتفسح ولا كان على باله اللي احنا فيه».

وتابعت البحري قائلة: «حظر كامل يا ريس لو سمحت أرجوك، واللي حيقولي العمالة اليومية حديله بالشبشب على بقه أنا فاض بيا! أولا معظم المؤسسات الخيرية -وبقول معظم مش كل- بدأوا يشحتوا عليهم من قبل ما رمضان يبدأ، فمحدش يقولي مش حيلاقوا يأكلوا، وكتير منهم بنتحايل عليهم يشتغلوا أصلا طول السنة! خلينا صادقين مع نفسنا شوية كدة والنبي! واللي بيشتغلوا في مصانع على عيني وراسي يتعملهم إقامة داخل محل عملهم! غير كدة احنا رايحين في داهية».

ووصلت داليا هجومها قائلة: «لحد دلوقتي ماشين بستر ربنا ومجهودات الدولة العظيمة اللي اتعملت في الأول، بس والله العظيم ده شعب ملوش كتالوج ده لازم يتربط في رجل السرير مش يتحبس بس».

بعض الفنانين يسخرون بفيروس كورونا 

نشر الفنان محمد رمضان، مقطع فيديو على موقع التواصل الاجتماعي «تويتر»، سايقًا، أظهر خلاله السخرية من فيروس كورونا المستجد.

وخلال الفيديو عمد «رمضان» إلى تركيب مقطع الفيديو على أغنيته الشهيرة «فيروس» التي طرحها منذ 11 شهر، وحصلت على 39 مليون مشاهدة.

ولاقى الفنان هجومًا عريضًا من متابعة، بعد نشر الفيديو، حيث انهالت عليه التعليقات التي انتقدت أسلوبه في السخرية من الوباء المنتشر حاليًا بدرجة كبيرة في البلاد.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى