كتب / محمد مختار
القمر دي جت قعدت جنب مجند ف القطار .. قالتله ياحلو قال انتي اللي قمر طلعت اكل وحلفت عليه ياكل معاها .. رايحة فين يا امي قالتله بورسعيد ومن هناك علي سينا .. انا من تلا_منوفية ورايحة لأبني ف سينا .. ابنك شغال فين ف سينا قالتله وف عيونها دموع حالفة ماتنزل :- قبره ف بير العبد !
وقع عليا سهم الله وماعرفش ياقول ايه .. تقوله ماتزعلش دا عايش عند ربه وهوياقولها اه يا امي .. تضحك وتقوله هيبعتلي هدية عيد الام من الجنة وهو ياامن علي كلامها و عيونها تدمع وتحلف انه وحشها .. 6 شهور من يوم استشهاده ومش عارفة تعمل ايه من غيره .. مش عاوزة عمري يطول يابني عاوزة اشوفه قال لها حي ورب الكعبة بس انتي ادعيله .. تبعت تجيب بقروشها القليلة قرص وحلويات وتأكل كل اللي ف القطر وهو ياشوفها وعيوني تدمع .. تديله قرصة وتقوله كل وماتبكيش اخدها منها ويادمع.. تقوله دي علي روحه ياقولها ربنا يتقبل .. تقوله شايفاه فيك ياقولها هو انا اطول ؟! تدعيله وتدعي لكل بني ادم ف القطر وعلي شفايفها ابتسامة وف عنيها بحر دموع .. ادعيله ياولدي اروحله ويرتاح جلبي ياقولها خليكي منورة دنيتنا .. تقوله نوري ونور عينيا راح بعده ياقولها كلنا ولادك واخواته .. القلب ماعاد يستحمل ياولدي يادوب الحق اشوف حبيبي وافضل جاره .. وابكى والمجند الغلبان اللي قاعد جنبها يبكي ويبوس ايدها .. ادعيلى ياامى تقوله وهي بتضحك :- اما تاكل الاول
اللهم ارحم شهدائنا والهم ذويهم الصبر والسلوان
