فن ومنوعات

لحظة حداد ياقلبي

بقلم / مصطفى سبتة

 

ومنين اجيب ذكريات
تانيه تفكرنى بيك
وازاى مفكرش فيك
معقول قلبى انكسر
معقول قلبى اتوجع
طب دا قلبى عمرو
عايش جدع
كنت تجرح كان يداوى
كنت تقسي كان يحن
كنت تهجر كان يقرب
كنت توجعنى ساعات
كان يرجع اللى فات
كان يسامح معرفش
مره يبقى جارح
كان بيتأمل سكاتك لم
تبقى ف مره سارح
واهو خلاص قلبى انكسر
اعلن خلاص قلبى الحداد
اتوجع قلبى من البعاد
اتعاهدنا واتاخدنا
ولما ف مره اتواعدنا
انت اللى خالفت المعاد
لفيت عليك كل البلاد
بصيت عليك وسط الوشوش
كأنى حبى معرفتهوش
حسيت احساس
وجع ولا فالخيال
بعت حبى وبعت قلبى
اللى صبر صبر الجبال
كأنك بترمى لعبه
اى لعبه من لعب العيال
ايوا صحيح قلبى انكسر
ايوا صحيح جرحى انتصر
وادى اللى ضحى
طول السنين
فالنهايه خلاص خسر
معدش بينا خلاص رجوع
يشهد علينا رب العباد
والمرادى انا اللى هبعد
.انا اللى هبدأ بالعناد
ومهما تبكى ومهما تصرخ
اعلن خلاص قلبى الحداد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى