غير مصنف

لماذا رفح و الشيخ زويد ؟

.

محمد بركات

لماذا يتم استهداف منقطة رفح وااشيخ زويد
وليه المنطقه دى بالذات؟؟

  • لان اللي بيحصل ده علشان تفهمه لازم تفهم جذوره واسبابه
    مبدئيا كده الدوله الفلسطينيه اللي اقرتها الامم المتحده تمثل 22% من مساحه فلسطين التاريخيه… (دى مساحه الضفه وغزه)… والواقع الحالي … ( ارض بمساحة 10% عليها الفلسطينيين وال 12 % الباقيين عليهم 400 مستوطنه وفيهم 180 الف يهودى … كل مفاوضات السلام بين الفلسطينيين والإسرائيليين فشلت بسبب ان مفيش اى رئيس فلسطينى هيوافق على دوله فلسطينيه على مساحه 10% … ولا فى حكومه اسرائيليه هتوافق على اخلاء المستوطنات …

الاداره االامريكيه فى اطار سياستها لحل نهائى للقضية
الفلسطينية…عملت خطه… وهى انها تقيس مساحة الارض اللي عليها المستوطنات وتعطي للفلسطينيين ارضا بدلا منها

الارض دى طلعت مساحتها 600 كيلو متر مربع … تم عرض 80 مليار دولار على حسنى مبارك ( 40 مليار اسقاط ديون و 40 مليار منحه ) وكمان ارض بديلة بنفس المساحه فى صحراء النقب …نظير اعطاء مساحه 600 كيلو متر من سيناء … بمسافة 20 كيلو متر على ساحل البحر الابيض فى رفح ومسافة 30 كيلو فى العمق …حتى يتسنى عمل مطار وميناء للفلسطينيبن …رفض حسنى مبارك المشروع تماما …

و لما قرر الإخوان يدخلوا انتخابات رئاسية كان عربون مسانده الاداره الامريكيه لمرسى والاخوان هو الموافقه على اعطاء ال 600 كيلو متر مربع دول ..وبالفعل هيلاري كلينتون طلبت تجتمع مع مرسي اجتماع مغلق، وتم الاجتماع في جامعة القاهرة بوجود مرسي وعصابته مع هيلاري ووافق الاخوان بخيانتهم المعهوده بعد ما عملوا عجين الفلاحه علشان الاداره الامريكيه ترضى عنهم … وتم دعم الاخوان ب 8 مليار دولار… (وتم التحقيق مع اوباما بسبب ال 8 مليار دولار) … وكمان تعهدت شركه اخوانيه فى لندن ببناء مليون وحده سكنية في سيناء لصالح الفلسطينيين اللي هيهاجروا لشمال سيناء .

بدأ مرسى تنفيذ مشروع بيع سيناء … بوعده للاداره الامريكيه باعطاء الجنسيه المصريه ل 60 الف فلسطينى حتى يتسنى لهم شراء اراضى مصريه فى سيناء و بالمناسبة- ده كان اول صدام حقيقي يحصل بين السيسى والاخوان . و هو لما أصدر -وقتها- الفريق أول عبدالفتاح السيسي قراره الشهير (عندما كان وزيرا للدفاع) بمنع تملك اراضى سيناء إلا لمن كان من ابوين مصريين .. كما منع بيع منطقه بحرم البحر سماها حرم الجيش … وان دى منطقه عسكريه .وليست للبيع . ثم جاءت ثورة 30 يونية العظيمه وافشلت المشروع . وتم التحقيق مع وزير الخارجية الامريكي السابق جون كيري فى الكونجرس ثلاث ايام متتاليه بسبب فشل المشروع وهى سابقه لم تحدث منذ الحرب العالميه الثانيه

وكل ما يحدث الان من حرب وقتال فى هذه المنطقه هو توابع افشالنا لمشروع الخيانه الاخواني اللي باع فيه الاخوان سيناء فى سبيل السلطة … ولن تكون ابدا … سيناء وطن بديل للفلسطينيبن …مش علشان احنا بنكره شعب فلسطين..ﻷ طبعا..احنا بنحبهم..لكن علشان ده ترابنا الوطني المقدس اللي مينفعش نفرط فيه..وهو ده الفرق بينا وبين الاخوان..هما بيقولوا طز في مصر و هما اللي بيقولوا إن وجود الجماعة أهم من وجود أرض مصر .
عرفتوا بقي ليه وإشمعنا منطقة رفح والشيخ زويد؟

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى