كشف المخرج حسام الدين صلاح، آجر وموقف للفنان محمد رمضان بمسرحية “قاعدين ليه” مع سعيد صالح.
وقال صلاح، ببرنامج “مطلوب للرد” تقديم آسيا محمود على قناة الشمس: “قصتي مع محمد رمضان كانت من أيام (قاعدين ليه) و (يمامة بيضا) والمسرحيتين إخراجي، وجالي رمضان وأنا بعمل مسرحية (قاعدين ليه) في مسرح متروبول”.
وتابع:”رمضان قابل سعيد صالح وقاله (أنا عايز أمثل).. فرد عليه (روح للأستاذ حسام ياخدك في المسرحية الجديدة)، وجالي رمضان (قولتله: اعملي مشهد لأحمد زكي بفيلم السادات)”.
واستكمل: “أنا لمحت حضوره وتوقعت إنه هيكون نجم، وقولتله النهاردة هتشتغل معايا، فقالي (فين الدور)، قولتله (ولا دور ولا حكاية)، عندي مشهد لسعيد صالح في الشارع.. وكان عنده وعي كبير وهو صغير”.
وأَضاف: “قولت لسعيد صالح، رمضان شبه أحمد زكي وهنستفيد منه، فاقتنع بيه، وعمل رمضان مشهد من 3 دقايق كان أكثر من رائع فيه والجمهور صفق له كثيرا، وحطيتله 3 ألاف جنيه عشان المشهد ده”.
جدير بالذكر أن برنامج “مطلوب للرد” يذاع على قناة الشمس يومي الثلاثاء والأربعاء الساعة الحادية عشر مساءا من إنتاج أحمد جرادة وتقديم اسيا محمود.
