أعرب الفنان محمود العسيلي عن سعادته الشديدة لأختيار الفنان تامر حسني له لمشاركته في عمل فني جديد.
جاء ذلك من خلال موقف طريف قام العسيلي بروايته عبر صفحته الرسمية على موقع التواصل الإجتماعي “فيسبوك”:” هحكي قصة محدش يعرفها خالص ، حتى تامر مكانش مجمع ان الشخص دا انا لحد ما فكرته و مات مالضحك كنا في مدرسه واحده انا و تامر وانا كنت في سنه خامسه ابتدائي و تامر كان التلميذ اللي مسؤل عن عروض حفلات التخرج و كان هيغني و يعمل عرض استعراضي كبير و جابوله ٤ اصوات عشان يختار منهم حد يغني معاه بس كنا بنغني انجليزي و اخترني انا عشان اشارك في العرض و كنت فرحان اوي ، الفكره من الموقف ان تامر نفس الشخص و نفس القلب اللي قابلته من ايام المدرسه لحد دلوقتي “.
محمود العسيلي
وتابع:” و عايز اقوله اني انا برضه فرحان نفس الفرحه و متشرف بإختيارك ليا لمشاركتك الأغنيه العسل دي و إحنا كبار و محققين احلامنا بالمناسبه انت بجد مخرج جامد يا تيمو يارب الأغنيه تعجبكم.. إختراع”.
ومن جانب آخر فقد أعلنت شركة روتانا عن إطلاق أغنية “إختراع” غدا للثنائي تامر حسني ومحمود العسيلي وذلك من خلال نشرهم بوستر الأغنية عبر حسابهم على موقع “إنستجرام:” ترقبوا غداً دويتو جديد بعنوان إختراع يجمع بين النجم تامر حسني و النجم محمود العسيلي عن طريق كليب مصور
إخراج الفنان تامرحسني.. كلمات / أحمد راؤول .. ألحان / أحمد زعيم .. توزيع و مكساج/ وسام عبد المنعم .. تسجيل / هيثم راضي .. ماستر / چلال الحمداوي”.
