مش انت اللي هتمنعني أبيع مخدرات.. حكاية مقتل “ميشو” علي يد تاجر الكيف”

0

منار شديد

 

قتل دفعاً عن الكيف:
ما إن سمع “م.ع”(25، عًاما تاجر مخدرات)، حديث “أحمد .م”، ( 27 سنة، سائق) له عن بيعه للمخدرات أمام منزله، وهو يقول له “قولتلك متبعش مخدرات هنا عندنا حريم عيب عليك”، استشاط غضبًا وسدد له عدة لكمات بالوجه، ثم أكمل تعديه واستل سكيناً كانت بحوزته ونفذ له أربع طعنات في مناطق متفرقة بالجسد “مش أنت اللي هتمنعني وتقولي أبيع مخدرات فين” فسقط الشاب أرضاً جثة هامدة مفارقاً الحياة وسط بركة الدماء في وضوح النهار، وأمام جميع أهالي شارع المطافي الجديدة بمنطقة بهتيم _شبرا الخيمة دون تدخل أحدٍ منهم لإنقاذه “جوزي مقتول وسط الشارع في عز الظهر ..وكان سايح في دمه وكله أتفرج عليه ومحدش حاول ينقذة”.

 

انتقلت “بوابة اليوم “إلي مسرح الجريمة لكشف كواليسها وفي البداية أوضحت “ياسمين محمد”22عًاما، زوجة المجنى عليه أنه في تمام الساعة الحادية عشر من يوم السبت قبل الماضي أثناء ذهابها إلي الصيدلية لشراء عقار طبي لطفلتها مكه البالغة من العمر عامًا ونصف ، قام المتهم واثنان من أصدقائة بمعاكستها مرددين بعض كلمات الغزل “عاكسوني وكانوا بيبصولي بطريقة غريبة، جوزي نزل عشان يبعدهم عن الشارع وبيع المخدرات”.


لسه متجوزين من سنتين:
وتابعت الزوجة المكلومة ..جوزى قاله مش قولتلك بلاش تبيع مخدرات هنا، المتهم اعترض علي كلامه وضربه عدة لكمات بالوجه، “قاله مش أنت اللي هتمنعنى وطلع سكينة كبيرة من هدومه وضربه فى رجله، ونزل علي رقبتة ودماغة بالسكينة والناس كانت واقفة تتفرج.. أول لما وصلنا المستشفى كان مات في حضني” وتابعت بدموع وحزن شديد علي فراق زوجها “كان طيب ومفيش حد في حنية قلبة..ملحقتش أفرح بحياتي معاه ..لسه متجوزين من سنتين ..خلفنا بنت واحدة عندها سنة ونص ..هو حب عمري وفرحة أيامي اللي ضاعت مني ومش هترجع تاني” .
تصمت الزوجة الأرملة قليلاً متذكرة مسرح الجريمة التي نفذت أمام عينها وتعود للحدث قائلة” أول لما شوفت “ميشو “والمتهم بيضربة بالسكينة في بطنة ،جريت عليه عشان انقذة من أيدية ..المتهم قالي أهو وضربه في دماغة قسمها نصين قالي عشان يتعمل الأدب ويعرف هو بيتكلم مع مين “.

لازم القاتل يتعدم:
وعن زوجها تقول “كان لسة شاب في بداية حياته وماشي جنب الحيط مش بيحب المشاكل ولا عمره اتخانق مع حد والناس كلها بتحبه من كتر احترامه وأخلاقة العالية، اتقتل ظلم علي إيد تاجر مخدرات عشان بيمنع الفساد وخايف علي حريم المنطقة..عاوزه حقة والجاني لازم يتعدم عشان قلبي يرتاح ويبرد”.
وأشارت”ياسمين” زوجة المجني عليه، إلى أن النيابة العامة أمرت بضبط المتهم على الفور وقررت حبسه على ذمة القضية، مستطردة: “قولت لوكيل النيابة حق جوزي وبنتي اللى لسه سنتين بين إيديك، لو المتهم خرج هقتله بإيدي ده قتل جوزي وحبيبي”.
كما أكدت الزوجة المكلومة أن الجاني معروف بين الجيران بسوء سمعتة لاتجاره بالمخدرات في جميع أنحاء منطقة بهيتم.. وكان شديد الخلاف بين أهالي المنطقة بالإضافة إلى إتهام شقيقة الأكبر في قضية قتل “بتاع مشاكل ومعروف أنه تاجر بودره واتقبض عليه كتير .. وأخوه متهم في قضية قتل ومحكوم عليه”.

اترك رد

لن يتم نشر عنوان بريدك الإلكتروني.