علقت الفنانة نشوى مصطفي على أزمة فيلم” أصحاب ولا أعز” بعدما أثار جدلًا كبيرًا علي مواقع التواصل الاجتماعي، وذلك من خلال حسابها الشخصي على موقع التواصل الاجتماعي ” فيسبوك”.
كتبت نشوى مصطفى منشورًا قالت فيه:” هو احنا مينفعش نختلف بصوت واطي، يعنى لازم اختلافنا يبقى دوشة،في كل اختلافنا فى الرأي على اى موضوع بنتحول لأهلي وزمالك،منتهى العصبية وعدم التحضر بصراحة “.
وأضافت: “يا سيدنا كل حد بيكون وجهة نظره حسب تكوينه النفسى وحسب المحيط اللي اتربى فيه وحسب قناعات دماغه، ليه عايزني ابقى نسخة منك، يا سيدي أعلن قناعاتك بس متزعلش منى لو أنا رأيي مختلف، اختلافنا لا هيخليك احسن منى ولا هيخليني أحسن منك “.
وتابعت:” ياسااااااتر هو احنا حنفضل عالم تالت كده على طول مينفعش نبقى على مستوى تحضر الناس اللي فوق ، قولولى بقى ياترى إيه الموضوع الجديد اللي هنتخانق عليه ؟؟ الخناقه اللي فاتت التلات أيام بتوعها خلصوا “.
