روى الفنان حسام داغر، موقفا له مع والدته الراحلة، كاشفا تفاصيل هذا الموقف.
وكتب داغر، عبر حسابه على إنستجرام: “فاكرة لما رفضوا فيزتك مرتين بتاعة فرنسا بسبب السن و تعبك الأخير .. كان نفسي اخدك معايا باريس و افرجك حاجات كتير .. لحد آخر فيزا دي لما سافرت و كتبتلك اسمك علي الكوبري المشهور بالاقفال و لقيتهم هناك كله بيكتب اسم الي بيحبه عليه”.
وتابع: “كتبتلك اسمك قلت أهو كأنك سافرتي بالعند فيهم و اسمك محفور دلوقتي في قلب باريس .. بعتهالك و و فرحتي و عملتيها cover photo و من ساعتها محطوطة كانت آخر واحده و اتمنيت بعدها تخفي و تقومي بالسلامة و نسافر سوا كل الأماكن الحلوه بس ربنا اختارك جنبه”.
وأضاف: “أكيد الانسان لما بيموت روحه بتكون خفيفه وطايره وبتروحي اي حته ولا في فيزا و لا في مطارات و بترجعي صغيره و تعملي كل اللي كان نفسك فيه و اكيد روحك راحت و شافت كل حاجه زي ما انا حاسس انها معايا دلوقتي و علطول و شايفه كل حاجه .. النهاردة عيد ميلادك في الجنة.. أكيد مع بابا وحبايبك .. شايفك بتضحكي هناك يا رب تكوني راضيه عني لسه.. وعلي أمل ربنا يجمعنا تاني علي خير”.
https://www.instagram.com/p/CKeb4zbBffS/?utm_source=ig_web_copy_link
