تصريحات مثيرة للجدل أدلى بها الفنان أحمد فلوكس واعتبرها البعض على مواقع التواصل الاجتماعي أنها مسيئة للمرأة ودورها في المجتمع.
أحمد قال: “إحنا فقدنا معنى دور الأم والزوجة.. النهاردة مع احترامي لحقوق المرأه إحنا نسينا نعلم المرأة ازاي تربي عيالها وتحافظ على جوزها والنتيجة إن فيه أجيال كتير معندهاش خبرة واحنا بنعاني من ده”.
وأضاف فلوكس متوجهًا لأنصار حقوق المرأة: “عارف ان بتوع حقوق المرأة هيزعلوا مني بس انا مش هرجع للمجتمع هرجع للست اللي هي بتعرف تربي عيال محترمة ورجالة زي اللي في الصعيد”.
وتابع: “بس إحنا مشينا ورا حقوق المرأة.. جميل بس هتعمل بيه إيه واذا كان عملها الأساسي احنا بناخده منها”.
يذكر أن أحمد فلوكس أسس في الفترة الأخيرة شركة له تعمل في عدة مجالات منها الإنتاج والسوشيال ميديا والعقارات والتوريدات، وينشر بشكل مستمر صورا وفيديوهات له عبر السوشيال ميديا، خلال مباشرته لهذه الأعمال وسط اتخاذ الاجراءات الاحترازية.
