بقلم: أحمد ممتاز
فاكره الحب اللي بينا ..
يا حبيبة قلبي فاكره..؟
فاكره ضحكة عيونا ..
دايما للوجع سارقه ..
نضحك تنزل دموعنا ..
نمحيهم بكلامنا ..
اه يا قلبي اللي وجعني ..
مش هقول اللي وجعنا ..
افتكر لحظة فراقنا ..
تنزل اه دموعي ..
انتي لا ..
معاكي القصة مش فارقه ..
يعني ايه لُقا ..!
يعني إيه حب ..!!
كان وقت بالنسبالك وعدى ..
لحظات جميلة ..
كام صور كام مفاجاه ..
زي أي بنت النهارده ..
حبيبي جابلي ورده ..
تبقي ف ثانيه طفله ..
ف وقت الفراق ..
صبحتي ناضجه..!!
وعملت يا حبيبتي ثوره ..
انا مش هقبل اي قصه ..
وحب ايه دا اصلا وهم ..
انا بنت راجل ..
ابويا في هذا الوضع ..
صاحب الكلمه ..
كان فين ابوكي يا حلوه..
لما ولما ولما ..
بابا فيا واثق ..
وبعد اذنك بلاش تكلم في ذكرى ..
انا النهاردة دي اخر مقابله ..
وفرحي الاسبوع الجاي على فكره ..
اكيد هتحضر ..
اكيد جدا وهرقص ..
ولو مفهاش عيب اغني ..
واقول اه يا قلبي اللي باعني ..
كنتِ ليا كلي ..
يا حبيبي قولي ..
ايه منك فاضلي ..
غير كام ذكرى ..
وصوت ذكرى ..
طب كنت قولها ..
قبل ما احبك واعشقك ..
انا الحق عليا قلبي صدقك ..
ونسي كل السيناريو ..
وقال انتي غير ..
حبك اه كبير ..
بتحبي جدا وبضمير ..
مش ف يوم هتغادري روحي ..
مش ف يوم هتزودي جروحي ..
وتضيفي لهمومي هم ..
الفراق دا اكبر أمر ..
اكبر حتى من امر الحب ..
يا اللي نزعتي القلب ..
وروحتي لسنين الجد ..
طاب ليه عشتِ معايا الهزل ..؟
حلوه بفستانك ..
فرحانه باللي صانك ..
انا كنت كمان هصون ..
وعن كل البنات هصوم ..
وهتكوني انتي عيدي ..
فاكر وعدك ..؟
ليه عذبتيني بوعيدك ..!!
انا كنت متبت وماسك ..
انتي اللي سابت ايدك ..
مع السلامة يا …
ياللي كنتي في يوم حبيبتي ..
انا كمان فوقت ..
ومنك بتحرر ..
حبك حاصرني سنين ..
لا لا اقصد هذا الوهم ..
لكن النهاردة رحل ..
واصبح قلبي حر ..
وعادي جدا غيرك يحب ..
مع السلامة ياللي كنتي حبيبتي..
