هاجم عدد من رواد موقع التواصل الاجتماعي من أهالي الصعيد، مسلسلات رمضان والتي تجسد الشخصيات الصعيدية، مؤكدين أن ما يتم بثه من المسلسلات عارِ تماما من الصحة.
وقالت إحدى رواد موقع التواصل الاجتماعي «فيس بوك»: «أنا وحدة صعيديه سوهاجيه من قريه بالتحديد مشفتش فى حياتي حد بيلبس زى اللي بيجبوهم ف المسلسلات، بنلبس ملون وكل حاجه واغلب اللبس السائد فى قري الصعيد الدريسات، ومش بنتكلم اللهجة اللي بيجبوها فى المسلسلات،احنا لهجتنا جميله جدا، وقريبه من بعض لهجات الدول العربية، مش كلنا بشرتنا لون واحد موحد اسمر، احنا مش صنيين عشان نبقي شبه بعض، فينا الابيض والقمحي والاسمر والعيون الملونه وفينا ملكات جمال، وكلنا متعلمين ومثقفين وناس عارفه دينها كويس».
وتابعت: «قري الصعيد مهبط الرجال والعائلات الكبيرة العريقه ليها تاريخ، عائلات اصيله وليها وزنها، انا و لاول مرة اسمع ان فى ناس اسمهم عجر، طول عمرنا فاكرين ان الغجر دى شتيمه».
واختتمت: «قري الصعيد مفيش حاجه اسمها غجر، قري الصعيد عائلات فقط، التزييف والتشويه المتعمد ع الصعيد مش حاجه غريبه عننا، المسلسلات المصريه شوهت الاسلام والمسلمين المسلسلات المصريه شوهت التاريخ وزيفت الواقع وحتى الحاضر، عشان كدا مفيش مسلسل ولا ممثلين بيمثلوا الصعيد،،، مش بيمثلوا غير نفسهم».
