علق الشاعر الغنائي، أمير طعيمة، على الانقسام بين الجمهور بعد وفاة نوال السعداوي عبر صفحته على موقع التواصل الاجتماعي «فيس بوك».
وقال أمير طعيمة في منشور له: «ما قرتش و لا حاجة شايفها مفيدة فيما يخص وفاة الكاتبة #نوال_السعداوي.و الناس مقسومين قسمين قسم في اقصى اليمين و قسم في اقصى اليسار و كالعادة الاراء معظمها لها صلة بآخرة شخص بين يدي الله و رفعت عنه الاقلام.لا عاجبني فيديوهات الكتيرة اللي بتتوعدها بسوء العذاب و مش فاهم اصلا ايه الفايدة من ده و لا ايه جدوى المحكمة المنصوبة لحد فارق الدنيا».
وتابع: «و لا عاحبني برضه الدفاع المستميت عن ارائها اللي انا كمسلم برفض الكثير منها ، زي وثنية الحج و عدم وجود الجنة و النار و اهانة الحجاب و الدفاع عن المثلية الجنسية و الرأي الافظع بالنسبالي هو مطالبتها بتغيير بعض ايات القرآن ( ملحوظة هي ما طالبتش باعادة فهم النص هي طالبت بتغييره بمنتهي الوضوح».
واختتم: «الخلاصة انا شايف انك كمسلم لو عايز تشيد بآرائها لازم تستثني منها الاراء اللي ضد صريح الدين و مش لازم تبقي كيوت بزيادة و تشيل ذنب ملوش اي لزمة، و في النهاية رأيك بصلاحها أو بضلالها لا هيفيدها و لا هيضرها، بس دفاعك عّن اراء ضد دينك اكيد هيضرك.ربنا يحسن خاتمتنا جميعا».
