أجابت الفنانة أمينة خليل على سؤال الإعلامية لميس الحديدي عن موعد زفافها بعد خطوبتها خلال العام الماضي، قائلة: “قدر الله ما شاء فعل، محصلش نصيب”.
وأضافت الفنانة أمينة خليل خلال لقائها ببرنامج “كلمة أخيرة”، على شاشة “ON”: “لدي يقين إن ربنا شايل لنا حاجة أفضل وأحلى”، موضحة أنها تحاسب نفسها لتقييم أخطائها، قائلة: “فيه بعض الرجالة مش بتحب فكرة الفنانة ولازم يبقى راجل قوي عشان يتحمل ده لأن حياة الفنانة مختلفة شوية”.
وأوضحت أمينة خليل: “أي راجل ممكن يشوف زوجته ممثلة وفنانة ناجحة.. الحب اللي ممكن يشوفه في عيون الناس لما بتسلم على مراته لازم يبقى فخور بيه مش زعلان”.
وحول مواصفات الرجل الذي تتمناه قالت: “لازم نبقى أصدقاء جدا.. وده شيء مهم جداً لازم عشان العلاقة تبقى صحية وقوية وحقيقية لازم نبقى أصحاب قبل الارتباط لأن الصداقة بتكمل ووهج الحب ممكن يقل لكن الصداقة مستمرة”.
