نشرت الفنانة إلهام شاهين اول تعليق عن فيلم ” أصحاب ولا أعز ” عبر موقع الصور والفيديوهات انستجرام مدافعه عن الفيلم وصناعة وكتبت:
“لسه شايفه الفيلم اللى عاملين ضجه عليه .. أصحاب ولا أعز . . لسه شايفاه .. فيلم جميل و حقيقى .. مشاكل حياتيه عاديه.. إيه يعنى لو فيه شخص واحد يقال عنه إنه مثلى ولا نرى ذلك».
- مجتمع مهووس
وتابعت : «دى حريه شخصيه .. و شخصيات موجوده فى حياتنا .. و المجتمع العربى فيه بلاوى أكتر بكتير جدا من اللى إتقدم فى الفيلم .. مش فاهمه سبب الضجه المفتعله على فيلم معروض على نتفليكس فقط .. اللى هى مش موجوده عند الناس العاديه أو المتحفظه لإن فيها أفلام أجنبيه فيها ستات بتقلع ملط و مشاهد جريئه جدا .. يعنى حلال على الفيلم الأجنبي.. و حرام على الفيلم الناطق بالعربيه لمجرد حوار جرئ فى المواجهه و غير معتاد ..مجتمع مهووس».
و أضافت : «بالنسبه للمتخلفين بتوع السينما النظيفه .. مفيش مشهد واحد فى الفيلم فيه شئ يخدش حياء المتشددين كصورة .. الجرأة فقط فى الحوار بين البطله و زوجها عندما شكت فيه إنه مثلى .. و الحوار أيضا لا يوجد فيه لفظ خارج .. و على فكرة بسبب الهجوم على الفيلم سيكون الأعلى مشاهده على نتفليكس».
- رسالة لصناع الفيلم
واختتمت حديثها: «برافو منى زكى .. فنانه ناضجه صادقه .. أداء رائع .. و الحقيقه الفيلم مباراه فى التمثيل بين كل ممثليه الرائعين إياد نصار و نادين لبكى و جورج خباز و عادل كرم .. تحيه لكل من شارك فى الفيلم بقيادة مخرج رائع وسام سميرة».
يأتي ذلك بعد الجدل الكبير من بداية عرض فيلم ” أصحاب ولا اعز ” علي منصة Netflix الفيلم من بطولة مني ذكي ،أياد نصار ،نادين لبكي ، جورج خباز ،عادل كرم .
