أعلنت الإعلامية أسماء مصطفى ، إصابتها بمرض السرطان ،قائلة : ” أنا حالى حال ناس غيرى كتير بيمروا بمعركة مع المرض اللعين ، الاسم صعب معلش وأنا منهم بحاول وبكافح وربنا كريم صحيح المشوار لسه طويل والشفا بأيدي ربنا وحده وما علينا غير أننا ناخد بالأسباب” .
وأضافت مصطفي ، عبر صفحتها الرسمية على فيس بوك، قائلة : ” أنا بعتذر طول الفترة الى فاتت عن الاختفاء وعدم الرد غصب عنى، الحقيقة إنى بقالى كام شهر مش عارفة أرد أو أكتب أقول إيه لمعظم الناس وده كان علشان أمى وعيلتى لحد ما يستوعبوا القصة وبعد ما عرفت ورضيت خلاص مش فارق معايا خلاص “.
وتابعت : ” لازم نرضى بقضاء الله ونساله اللطف فيه مش عايزة حد يزعل أنا بس محتاجة الدعاء ، لإنى مؤمنة إنه بيغير القدر أنا قطعت مسافة كويسة فى رحلة العلاج الحمد لله ولسه فى خطوات تانية ربنا يسهل فى انتظار تحديد ميعاد العملية علشان كدة عدم ظهورى هيطول رجاء تانى محدش يتضايق فضلا الدعاء”.
