كشفت أميرة مختار ابنة الفنانة الراحلة رجاء الجداوي أنها أحيت اليوم الذكرى الأولى لرحيل الفنانة القديرة بزيارة قبرها برفقة حفيدتها والمقربين والعائلة ثم عادت لمنزلها غير مصدقة ما حدث حتى الآن.
وتابعت في لقاء خلال برنامج ” كلمة أخيرة ” الذي تقدمه الإعلامية لميس الحديدي على شاشة ” ON” في حلقة خاصة بمناسبة الذكرى الأولى لرحيل الفنانة القديرة رجاء الجداوي قائلة : “روحت البيت وقعدت شوية وأنا لسه مش متخيلة اللي حصل وبقول لنفسي معقولة الي بيحصل ده ؟ طول النهار تلقيت اتصالات من أقارب وجيران والدنيا كلها مقلوبة على مرور السنة على وفاتها لأنها في حقيقة الأمر لم تغب “.
وأكملت: ” في أوقات كتير مابقاش مصدقة واقول يا مامي فات على موتك أربع شهور بس والنهاردة قلت سنة كاملة راحت علي غيابك وأنا مش مصدقة لأني دائماً بحس إنها موجودة في محبة الناس وأن روحها بتحضني وتحضن محبيها “.
وفاجأت الحديدي أميرة مختار بسؤالها : إنتي شايلة شنطتها ولابسة عقدها ؟ ” لتجيب مختار مازحة : ده عيب انك صحبتنا فعارفة حاجتها كويس لابسة شنطتها وعقدها والجاكيت بتاعها .. ودي كانت هدية ليها في عيد ميلادها في سبتمبر 2019 وقلتلنا وقتها ليه كده يا ولاد تكلفوا نفسكم ؟ وهي كانت دائما بتتحايل عليا ألبس حاجتها وتتخانق معايا عشان استخدمهم وكنت برفض وأقلها وقتها مش هينفع نظهر إحنا الاثنين ولابسين حاجة بعض “
واصلت : ” لكن النهارده وأنا بفتح الدولاب وباخد حاجتها قلتلها صدقتي يا مامي وجهة نظري في عدم استعمال حاجتك”.
