أعلنت الإعلامية لميس سلامة، عن تعافيها من فيروس كورونا بعد أن أجرت مسحة وجاءت نتيجتها سلبية.
وكتبت لميس سلامة، عبر صفحتها الشخصية على موقع التواصل الاجتماعي “فيس بوك”: “حبايبي الحمدلله نتيجة المسحة بعد أسبوعين تعب رهيب طلعت سلبية اللهم لك الحمد خلصت من الكابوس ده لكن طبعا لسة سايبلي تعب وشوية لخبطة لإني أصلا عندي حساسية على صدري وكمان بدأت علاج متأخر بعد تدهور حالتي”.
وأضافت: “لسة صاحية مش متظبطة لكن طبعا الحمدلله فات الصعب واللي جاي يهونه ربنا ويعدي كمان علي خير بالعلاج اللي مستمرة عليه، وربنا ما يعيدها أيام ويحفظكم ويبارك في صحتكم وبشكركم والله من قلبي علي حبكم واهتمامكم ورسايلكم وكل كلمة ودعوة حلوة طلعت من القلب دعواتكم”.
وكانت لميس سلامة، أعلنت أول فبراير الحالي أصابتها بفيروس كورونا وكتبت: “بقالي أسبوع تعبانة تعب لا يحتمل والحديد وصل لـ 3، وكل شوية نجري على مستشفي شكل عشان بدوخ وبفقد الوعي وتعب رهيب وعملت خمس مسحات وطلعوا سلبي، وعملت كل التحاليل عشان نعرف دي كورونا ولا لا وكل الناس قالولي مش كورونا، وفي يوم روحت المستشفى قولتلهم احجزوني الحقوني عالجوني أنا بطلع في الروح قالولي أنت مش كورونا”.
وأضافت: “عملت إيكو على القلب من التعب وبرضه مظهرش حاجة، وبعدين في عز مانا بطلع في الروح قولتلهم لبسوني وودوني أعمل مقطعية على الصدر، واحنا بنحجز قالولي احنا عاملين عرض علي المقطعية مع المسحة مع بعض قولتلهم اعملوها مش هنخسر حاجة، فطلعت إيجابي ودخلت على الرئة وبانت في المقطعية”.
واختتمت لميس سلامة منشورها، “الحمد لله بدأت العلاج، وإن شاء الله خير دعواتكم عشان أنا شوفت أصعب أيام حياتي، وكنت حاسة أن أنا حقيقي بموت قعدت أدعي ربنا يخليني بس لبنتي”.
