إسراء عبدالفتاح
أوضحت سارة أحمد صالح، طالبة الثانوية العامة شعبة علمي علوم ، تفاصيل الصورة التي تم تداولها على مواقع التواصل الإجتماعي ووالدها يقوم بربط الحذاء لها .
وأضافت خلال مداخلة مع الإعلامية بسمة وهبة، على فضائية أون: «بابا متعود دايما يجي معايا الامتحانات و يستناني أمام اللجنة ليطمئن عليا بعد كل امتحان عملت ايه، والسنة دي بسبب الظروف حاول يقنعني لتأجيل الامتحانات بسبب خوفه عليا ولكن أنا رفضت، وصمم ينزل معايا الامتحانات السنة دي كمان».
شاهد ..
وتابعت: «كنت تعبانة في الامتحانات السنة دي بسبب الكمامه و الخنقة و الحر، قبل ما ادخل شايفني تعبانه شويه قالي انه يمشي ولا يستنى قولتله لا انت تمشي عشان متتعبش وعشان غلط أولياء الأمور يستنوا خارج المدرسة، ولكن خرجت لقيته واقف برا، وكنت خارجة من الامتحان متبهدله خالص من الحر و الامتحان 3 ساعات و بندخل المدرسة من الساعة 8 يعني 5 ساعات، وخرجت ومكنتش متوقعه انه واقف أمام المدرسة و لقيته قعد 5 ساعات».
واستكملت: «بابا اول لما شافني جبلي مياه وقالي نرتاح شوية و شاف الرباط مش مربوط صمم يربطه لي، انا مكنتش موافقة لكن هو صمم يعمل ده وقتها عشان يخفف عني توتر الامتحان واللي بيحصل ووقتها حد صورنا».
وكان قد تم تداول صورة التقطها المصور الصحفي محمد لطفي خلال تغطية امتحانات الثانوية العامة اليوم الخميس، للطالبة سارة أحمد ووالدها من أمام لجنة مدرسة جمال عبد الناصر، ولكنها كانت صورة بألف كلمة، فقد عبرت الصورة عن حنان الأب وحبه لابنته، في لقطة هزت المشاعر، جميع نشطاء السوشيال ميديا يتعاطون مع الصورة وجمالها الذي لاحدود له، بعد لحظات من نشرها على موقع التواصل الاجتماعي فيس بوك، لتؤكد للجميع قيمة الأب ومدى تضحياته بكل ما يملك في سبيل أبنائه.
