غير مصنف

تامر حسني يصالح أحمد السقا أمام الجمهور في مهرجان القاهرة السينمائي

حرص الفنان تامر حسني على تقديم اعتذار قدام الحضور في مهرجان القاهرة السينمائي الدولي في دورته الـ 42 للفنان أحمد السقا، وذلك بعد الأزمة التي نشبت بينهم في الفترة الأخيرة.

وقد استدعى الفنان أشرف عبدالباقي مقدم الحفل الفنان تامر حسني، إلى مسرح المهرجان ليسأله: «انت غايب ليه يا تامر؟»، ليرد الأخير قائلًا: «كنت بتخانق أنا وأحمد السقا على الفضائيات».

وكان كشف تامر حسني في وقت سابق، عن سبب الخلاف بينه وبين أحمد السقا،  ورد الفنان تامر حسني على كلام الممثل أحمد السقا في مقابلته الأخيرة بأنه عاتب على تامر بسبب مشكلة حصلت بينهما بفيلم “الفلوس”.

أحمد خلال مقابلة له في برنامج “السيرة” مع وفاء الكيلاني قال أنّه حزين من تامر بعد أن تم وضع إسمه على بوستر فيلم “الفلوس” كبطل وهو ضيف شرف فيه.

تامر رد عبر story إنستجرام الخاص به وقال: “حبيبي وأخويا وصديق العمر نجم الدنيا كلها أحمد السقا كنت اتمنى انك تكلمني بيني وبينك لو كنت زعلان من اي حاجة او فاهم اي حاجة غلط لأن الحاجات دي لا يمكن تفوتك وأنا كنت اتمنى ماكتبش الكلام ده هنا، بس بعد كلامك في التلفزيون الجمهور الكريم بقى ليه الحق يفهم الصح”.

وتابع:“علشان افكرك بس ،، انت كلمتني وقولتلي في خبر في موقع وعليه صورة افتراضية للفيلم وكاتبين انك بطل في الفيلم وانا رديت عليك ان دي اجتهادات صحفية و الصورة من تصميم المحبين اللي اكيد فرحو بالخبر اننا مع بعض ، حتى انا ماقولتش ان دي الشركة المنتجة لأنها شركة كبيرة ولا يمكن تعمل كدا لأن الفيلم متباع للخارج والداخل بإسم أخوك تامر حسني وأصلا افيش الفيلم الرسمي نزل والناس كلها شافته وانت مش فيه ولا فيه اسمك وكل الابطال طالعين مرسومين معرفش زعلك من ايه الحقيقة”.

وأضاف: “كان ممكن تزعل لو الكلام ده نزل على صفحتي او صفحة الشركة المنتجة، وانا شرحتلك ده من سنة واتكلمنها بعدها مرتين مرة عيدت عليك في عيد ميلادك والتانية بخصوص برنامجك فلو كنت لسه زعلان كنت قولي ساعتها، الفيلم بقاله سنة يا أحمد أخيرا بقى مستحيل الشركة تروج أو انا افوت واسمح بإستخدام اسمك كبطل في الفيلم وانت مش فيه لأن ده هيعود علينا كلنا بالضرر لأن الناس هتدخل الفيلم ومش هيلاقو الكلام ده فايبقى احنا كدا بنضحك عالناس وضرينا الفيلم ولو اني اكيد يشرفني ان احنا نمثل مع بعض بطولة مشتركة لأنك حبيبي بجد ونجم انا بحبه من قلبي فعلا”.

وقال: “وبعدين ياحج أحمد لما انا جيتلك مسلسلك وحصل اجتهادات كتير من محبينك الكرام شوية يقولو المسلسل بطولتنا و شوية يقولو لأ ده ضيف شرف،، وانت عارف ان عمري ماعملتها وطلعت ضيف شرف غير ليك ، ده انت طلبتني آجي اصور الساعة ٨ الصبح كنت عندك في نص ساعة، عشان فكرة طلعت في دماغك فجأة .. وجيت لأنك غالي عندي اوي اوي فوق ماتتصور ،، وكنت بفرح بإجتهادات محبينك ومحبيني حتى لو صورتي صغيرة وكاتبين بطولة او ضيف شرف ، كل ده مش فارق معايا لأني جيت اخدم صديق عمري واتمنى اي كلام يصب في مصلحة مسلسل اخويا وينجح ويكسر الدنيا ،، انت حبيبي يا احمد وصديق العمر علشان كدا انا اللي مش هزعل منك ، معلش طولت في الكلام لأن زعلك يعز عليا”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى