رياضة

تعرف على أهم تصريحات كهربا في قناة “mbc” مصر

صرح محمود عبد المنعم كهربا في لقاءه على قناة “mbc” مصر، بعدة تصريحات مهمة، ووجه عدة رسائل إلى جمهور الأهلي.

وجاء ملخص تصريحات كهربا كالتالي:

• محمود كهربا: أتمنى الاستمرار في الأهلي حتى آخر يوم، وبخصوص مفاوضاتي مع النادي التركي فهي مازالت قائمة.

• محمود كهربا باكيًا:” “لو أطول أبوس راس كل واحد من جمهور الأهلي هعمل كده.

• كهربا: عمري ما ندمت إني سبت الزمالك .. الحاجة الوحيدة اللي تخليني أندم اني سبت بيتي النادي الأهلي.

• كهربا: عمري في حياتي ما اتكلمت مع صحفي واتعلمت في الأهلي إن أسرار أوضة اللبس متطلعش بره .. لما اتكلمت مع موسيماني اقتنع وهو حقق في الموضوع.

• كهربا: مقدرش أتكلم على مدربي بس هو بيلاعب اللي كويس في التمرين ما عدا أنا.. وكفاية إشادة الكابتن الخطيب بيا.

• كهربا: بعد ما أعتزل الكوره عايز أبقي ممثل .. هعمل حاجات أكشن زي السقا.

• كهربا: أفشة وعبدالله السعيد مفيش حد فيهم أحسن من التاني.

• كهربا: مخدتش فرصتي كاملة في الأهلي، ناس بتقول أنا منجحتش .. بس الأرقام بتقول إني سجلت وصنعت في وقت قليل وحققت بطولات .. أنا نجحت في الأهلي لو خدت فرصتي كاملة كان الوضع اتغير .. الموضوع غصب عني ومفيش أي تقصير من ناحيتي لأني كنت بتمرن كويس بس دي وجهة نظر المدير الفني وتحترم.

• كهربا: رمضان لاعب “كويس” لكن تريزيجيه الأنسب لشغل مكاني في المنتخب.

• كهربا: أتمني انضمام أشرف بن شرقي للأهلي، لعيب كبير وهيفيد الفريق.

• كهربا: حاسس إن الاهلي هيوصل نهائي كأس العالم للأندية.

• كهربا: عمري ما هلعب في مصر إلا في النادي الأهلي.

• كهربا: كابتن وليد سليمان دايمًا بيقولي جملة “نار الأهلي ولا جنة أي فريق تاني”.

• كهربا: رسالتي لجمهور الأهلى بشكركم على دعمكم، وأشوفكم على خير باذن الله.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى