فن ومنوعات

حسناء سيف الدين تدعم يسرا اللوزي بعد تعرض ابنتها للتنمر

دعمت الفنانة حسناء سيف الدين الفنانة يسرا اللوزي بعد تعرض ابنتها للتنمر، وذلك عبر صفحتها على موقع التواصل الإجتماعي «فيس بوك».

وقالت حسناء سيف الدين في منشور لها: «يسرا اللوزي ام عظيمة رغم انها اكيد حزينة من جواها بسبب ان بنتها ربنا ابتلاها بمرض الصم .. الا انها ام قوية و شايفة ان بنتها اللي عمرها ٦ سنين هتطلع بنت شاطرة و مثقفة دا معناه ان يسرا راضية و عندها ايمان قوي بنفسها و ببنتها و بربنا انه هيكرمها و يعنها و يقويها على تربية بنتها بالشكل اللي هي عايزاها».

وتابعت: «ما الشخص اللي اساء ليها فانا شايفة انه شخص مسكين لانه مَش فاهم قد ايه اللي هو عمله دا عند ربنا حسابه كبير ،، كسرة قلب ام بالشكل دا حاجة مَش سهلة و خصوصاً انها ردت عليه بشكل محترم ( وَجَادِلْهُم بِالَّتِي هِيَ أَحْسَنُ ۚ ) فالشخص دا مسكين لانه ما فكرش انتقام ربنا ممكن يكون ازاي ؟! يعني مثلا ممكن ربنا يخلي يخلف عيال صُم و بكم .. او ممكن هو نفسه يفقد السمع .. او ممكن اقرب حد ليه يجيلو عاهة تخلي ساعتها يعرف ان الله حق .. ربنا عمره ما بيرضى بالظلم او الاذى لحد».

وأضافت: «اللي عمله المسكين دا هو الظلم الذي لا يتركه الله .. شفت بقى انت قد ايه مسكين؟! لو فكرت دقيقة قبل ما تنعتها بأم الطرشة انه في رب منتقم جبار اكيد ما كنتش هتكتب كدا.. بس انت شخص مسكين و مريض و اي عقاب هتاخده قليل عليك … و شوف يا مسكين كام واحد فينا النهاردة دعا عليك و قال حسبي الله و نعم الوكيل فيك ..و يسرا اللوزي ليكي مني كل التقدير و الاحترام».

حسناء سيف الدين
حسناء سيف الدين

محمد أحمد

صحفي وكاتب مقالات - رئيس قسم الفن - مُحب لكرة القدم - عاشق للنادي الأهلي

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى