بقلم:زهراء أحمد
نظرة واحده من عنيها
حركت كل اللي ساكن
ابتسامة رمشها
جملت كل الأماكن
صوتها لما بتحكي حاجه
رقة الكلمة وجمالها
النعومة اللي ف إيديها
والحنان اللي في خيالها
هي حاجه متتوصفش
ضحكها او جدها
زي بعضه ماختلفش
نفس رسمة لابتسامه
نفس ضحكة العيون
من جمالها وسحرها
كل اوجاعي تهون
زي روحك مالتقتش
زي قلبك الحنون
الملايكة يغييرو منك
ياللي مالكيش أي زي
الحقيقة الثابتة إنك
اتخلقتي بنور وضي
سهم حبك صاب وريدي
بس قلبي بيكي حي??
