طرح المطرب محمد حماقي، أغنيته “أدرينالين”، عبر قناته على “يوتيوب”.
أغنية”أدرينالين” من كلمات وألحان عزيز الشافعي، وتوزيع وميكس تميم.
وتقول كلمات الأغنية: لمست ايدي عملت كونتاكت
الكهربا مسكت في الشرايين
زودت الأدرينالين .. قلبي وعيني مش قادرين
مشت قلبي على الخط
ماراحش شمال وماشافش يمين
انا هنجت اتبنجت اتمزجت انا معمولي كمين
الله عالبسمه البسمه
والعود والرسمه الرسمه
جايه في وقتها والله
ماهي جت في اللحظه الحاسمه
الله عالخفه الخفه
والعود واللفه اللفه
جايه في وقتها والله
ماهي جت من بعد اللهفه
ثانيه واحده بس نفهم
الجمال ده مش بيرحم
الجمال ده ناره قايده
كل نظره متعه زايده
ثانيه واحده بس ندرس
الجمال ده يهري يفرس
الجمال ده ناره والعه
من الدلع و من الملاوعه
لحظه واحده بس هدّوا
الجمال ده مين اللي قده
الجمال ده ناره جنه
معذورين لو اتفتننا
لحظه واحده لحظه واحده
لا بجد احلى واحده
في الطعامه زايده حته
حتتين تلاته سته.
يذكر أن، محمد حماقي اجتمع مع عمرو دياب لأول مرة معا في آخر حفلات موسم الرياض على مسرح أبو بكر سالم يوم 24 مارس الماضي.
