تحدثت الفنانة هالة فاخر عن ارتدائها باروكة فى أعمالها الفنية فى الفترة الأخيرة وأنها اضطرت لذلك حتى تستطيع العمل لأنها تحتاج للمال ،حيث قالت :”لإن الشغل بقى محدود، وأنا مش وارثه، ومافيش، لازم أنزل أشتغل، ولما سمعت إن الباروكة بدل الحجاب، قولت أهو تلكيكة، لكن دا مش صحيح طبعا، واشتغلت شوية بالباروكة”.
جاء ذلك خلال لقائها فى برنامج “كلمة أخيرة” المذاع عبر قناة ON ومن تقديم الإعلامية لميس الحديد.
وأضافت :”أنا حسيت إني عايزة اتحجب وما فيش حد أثر عليا ولا روحت دروس دينية، قبل ما اتحجب روحت الحج، وأنا قعدت محجبة حوالي 4 أو 5 سنين”.
وأضافت :”الباروكة بتحلي أكتر، ما هو يا تتحجبي يا إما ما تتحجبيش، كنت في الفترة دي عندي لغبطة، ما بين إني اتحجب وإني أقلع الحجاب، بس أنا لازم أقلع الحجاب علشان أشتغل، وربنا غفور رحيم”.
وأكملت :” عند قرار خلع الحجاب حسيت إني نازله الشارع وأنا مش مكمله لبسي، حسيت إني “عريانة”، وما كنتش بلبس “كت”، اللي بيني كان بين ربنا سبحانه وتعالى”.
