غير مصنف

لماذا الجزائر الان ليه الإسلاميين عايزين الجزائر دلوقتي بالذات وليه بيحشدوا ضدها بالشراسة دي و ليه يطولها “الربيع” دلوقتي؟

كتب أحمد محمود

الجزائر بيطولها الربيع دلوقتي كبديل وخطة ب لأنه فشل في مصر وسوريا مبقاش فيه حقول غاز مصرية تاخدها تركيا وتبيع منها لأوروبا ولا أنبوب غاز قطري هيعدي عبر الأراضي السورية لتركيا.
الجزائر لو لم تكن تعلم هي الدولة التاسعة في منظمة أوبك بحسب عائدات النفط الجزائر كمان رابع مُصدّر للغاز عالميًا.
الجزائر لو تفتكر هي اللي أعطتنا في مصر غاز لما حصلت عندنا واحدة من أسوأ أزمات الطاقة في 2014.

الجزائر كمان بتوصّل غاز لأوروبا ولها أنبوب مباشر اسمه «ميدجاز» Medgaz” بيوصل الغاز لأوروبا افتتحوه في مارس 2011 وباديء من حقل «حاسي الرمل» في الجزائر ويمتد إلى ميناء «بني صاف» ويبدأ القسم البحري منه من «بني صاف» إلى شاطئ «ألمرية» بإسبانيا ومعدل التدفق هو 8 بليون متر مكعب سنويا وفيه مخطط انهم يعملوا خط تاني.
فيه كمان خط تاني غير مباشر من الجزائر لأوروبا اسمه «خط الأنابيب عبر المتوسط» TransMed” ودا بيمر من الجزائر عبر تونس إلى صقلية ثم إلى الأراضي الايطالية وبيوصل كمان بخط فرعي إلي جمهورية سلوفينيا.
فيه كمان خط اسمه «بيدرو دوران فاريل» Pedro Duran Farell pipeline” بيوصل من الجزائر عبر المغرب إلى قرطبة في إسبانيا و بتاخد منه البرتغال.
وكان فيه مشروع اسمه مشروع «جالسي» Gasdotto Algeria Sardegna Italia” عبارة عن إنشاء خط أنابيب نقل غاز طبيعي بين الجزائر وسردينيا إلى شمال ايطاليا.
فبالتالي ومع وجود ثروات النفط والغازالجزائرية دي كلها ومع فشل الاستيلاء على الغاز المصري والنفط السوري تبقى الجزائر محتاجة إيه ؟
محتاجة خلافة و”تطبيق شريعة” و”حكم الله”كأنهم اكتشفوا إن الدين الإسلامي نزل فجأة الأسبوع اللي فات.

ليه ناخد غاز الجزائر بمقابل لما ممكن ناخده مجانا ؟ دا فكر المستعمر في كل عصر ولحسن حظه إنه بيلاقي خونة تشتغل بداله ويساري ضحل بيتركب من الإسلامجي ويدعمه لحد ما الإسلامجي ينتصر وبعدين يصافحه بحرارة ثم يشنقه علي أقرب عامود نور أو يقطع رقبته ويرميها في أقرب صفيحة قمامة.

الإسلامجية وثوراتهم وإسقاطهم للأنظمة مش بيبقوا عايزين حاجة غير عضمة هم بس بيأدوا دورهم اللي مابيصلحوش لغيره دور كلاب السيد اللي قاعد برا حرامي الغاز والموارد.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى