أعلنت الفنانة إيمان السيد تعافيها من فيروس كورونا الذي أصيبت به قبل أيام عدة وفقاً لما أعلنته عبر صفحتها الشخصية بموقع «فيسبوك».
وكتبت إيمان السيد: «بشكر كل الناس اللي سألت عليا وبعتذر جداً لو في حد ما عرفتش أرد عليه، أنا بفضل ربنا أحسن كتير ورجعت شغلي، كمان بشكر الناس اللي أجلوا تصويري واستنوني لحد ماصحتي بقت كويسة».
وأضافت: «أنا بخير دلوقتي بفضل ربنا ثم دعواتكم، مكملة بس على علاج الكورتيزون وأدوية السيولة ومتابعة تحاليل السيولة مع الدكتور كل أسبوعين علشان الجلطات والحمدلله، خلوا بالكم من نفسكم وربنا يحفظنا جميعا».
كانت إيمان السيد أبدت استياءها من الكوميكس المنتشرة عن فيروس كورونا عبر مواقع التواصل الاجتماعي، حيث كتبت عن هذه الظاهرة عبر صفحتها بموقع «فيسبوك»: «الكوميكس اللي بتتعمل على الكورونا حالياً مش بتضحكني، مش عارفة يمكن عشان لسة تعبانة وماستردتش صحتي، لكن الميمز اللي عن فقدان حاسة الشم والتذوق بتضحكني جداً بصراحة».
