قال الإعلامي محمد موسى، إنه يجب على المواطنين عدم التواكل على دعم الحكومات لبعض السلع ومنها رغيف العيش.
وتابع محمد موسى خلال تقديم برنامج “خط أحمر” على قناة الحدث اليوم، “ضروري كل واحد فينا عشان بلادنا تكبر وتنهض يشتري اللي هو عايزه وبالكمية اللي هيحتاجها بس.. ليه لما أكون بشتري فاكهة ولا عيش لبيتي أروح اشتري بالـ30 و40 رغيف وأقول لما يكون فيه أحسن ما يكون مفيش.. ما أخد على قد حاجتي وخلاص”.
وتساءل الإعلامي محمد موسى، “إيه اللي يخليني أخد أكتر من اللي محتاجه أنا وعيالي.. الحكاية، مطالبا الشعب المصري بضورة الوقوف بجوار القيادة السياسية للنهوض بمؤسسات الدولة.
وأتم قائلا: “مين فينا مش فرحان بمبادرة حياة كريمة التي تكرم المواطن المصري وتعيد بناء البنية التحتية لكل مرافق الدولة في كل القرى والكفور والنجوع التي بلغت تكلفتها أكتر من 700 مليار جنيه ما هو كل ده مننا ولينا.. مين فينا مش فرحان ولا مبسوط باللي بيحصل من إن شاء طرق وكباري ومدن جديدة وإسكان اجتماعي وتنمية في كل جوانب الحياة في مصر.. في الزراعة.. الصناعة.. اللهم احفظ مصر من كل سوء ومن كل مكروه”.
