البياضي: “كفاية إفراغ لموازنة الدولة! كفاية صناديق! كفاية سياسات خاطئة! كفاية كدا على الحكومة! الحكومة دي لازم تتشال وتتحاكم!”

في تعليقه على مشروع القانون المقدّم من الحكومة بإنشاء صندوق لهيئة قناة السويس ، قال الدكتور/ فريدي البياضي عضو مجلس النواب، ونائب رئيس الحزب المصري الديمقراطي الاجتماعي: كل الاحترام والتقدير لهيئة قناة السويس؛ لكن النهاردة الحكومة جاية توقّع الميزانية أكثر ما هي واقعة! الحكومة كل شوية تطلعلنا بصندوق و تقول علشان يبقى عندنا مرونة ، وتاخد جزء من إيرادات الدولة بعيداً عن موازنة الدولة، وبعيداً عن رقابة البرلمان! بأمارة إيه أدّيلك مرونة؟! ما انت لو كنت بتعرف تسوق؛ كنت سيبتك تسوق، إنما أنت عمال تعوّم في الجنيه وغرقتنا في الديون! وغرّقت الطبقات المتوسطة والفقيرة! الحكومة دي ها تتسمى في التاريخ(حكومة الصناديق) و أكمل النائب: كفاية إفراغ لموازنة الدولة! كفاية صناديق! كفاية سياسات خاطئة! كفاية كدا على الحكومة! الحكومة دي لازم تتشال و تتحاكم!