ردت الفنانة سمية الخشاب، عن مقارنتها بـعارضة الأزياء جورجينا صديقة كريستيانو رونالدو، مؤكدة عدم وجود فتاة تمتلك الجاذبية والحلاوة التي تمتلكها وأن دمها خفيف ولا تغير من أي امرأة.
سمية الخشاب، قالت في تصريحات تليفزيونية: مفيش حد زيي لاني أحلى من جورجينا ومفيش واحدة عندها جاذبية وحلاوة ودم خفيف كدا، وأنا مش بغير من أي ست لأن ربنا خلقني جميلة وفيا كل حاجة أغير ليه؟.
سمية الخشاب تابعت: أنا عندي مشاعر بريئة لـ رونالدو وبحب دماغه وتركيزه ولعبه؛ لأنه شخص مضيع عمره في التمرين وأنا واحدة أهلاوية وبحب مجدي عبد الغني وهو أفضل لاعب بالنسبة لي، وبحب محمد صلاح لأنه راجل صعيدي وأنا بحب الصعايدة لأنهم أجدع رجالة.
وأضافت الخشاب: أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام وأنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا.
