فن ومنوعات

ريهام سعيد: برنامج «حبر سري» رقم واحد في رمضان واسما ابراهيم بتحط السم في العسل

وجهت الاعلامية ريهام سعيد، اعتذار للإعلامي الكبير طارق نور واسما ابراهيم مقدمة برنامج “حبر سري” بعد النجاح الكبير الذي حققه البرنامج في مواسمه المختلفة، قائلة: “الاعتراف بالحق فضيلة والاعتذار دائمًا لما يكون واجب عمره ما بيصغر بالعكس بيكبر وبيبين تربيه الواحد والحمد لله الميزة الوحيدة اللي فيا إني متربية”.

وأوضحت ريهام سعيد، في منشور لها على صفحتها الشخصية بموقع “فيس بوك”، سبب اعتذارها: “من سنه هاجمت الأستاذ طارق نور عشان أسما إبراهيم فجاءة ظهرت واللي كان بيتقال إنها بتنتج لنفسها ومعرفش ده حقيقي ولا لأ ولا ده المهم.. وساعتها كانت ضعيفة بالنسبة لي جدًا إنها تحاور نجوم قامة وكبار وحسيت ساعتها إن المسألة بقت عبارة عن حد معاه فلوس فيظهر على التلفزيون”.

وتابعت: “بعد ما سنة عدت أنا باعتذر للأستاذ طارق نور اللي أثبت أن لما الاستاذ يتكلم التلاميذ تسكت أكيد كان عنده نظرة.. أسما السنة دي عاملة توليفة شاطرة أوي بين السخونة والصدق وعدم الفبركة والضحكة وإظهار الحقيقة والمهنية والمحايدة وكل حاجه حلوة.. يمكن في الأول كان في عدم خبرة ورهبة الكاميرا بس السنه دي أبدعتي”.

واستكملت: “بما إني شخصية بتحب كل حاجه تبقي مفهاش غلطة أنا فاهمة أنا ليه كتبت كده وأنا ضد تقييم زملاء بس برضوا كان صعب أعتبر أسما زميلة في سنة واحدة بعد ٢٥ سنة، اسما إبراهيم أنا كنت غلطانة.

وعبرت ريهام سعيد عن سعادتها بنجاح برنامج اسما ابراهيم: “أمتعتينا بابتسامتك الحلوة وموهبتك ظهرت ببراعة كفاية إن في ناس بقالهم سنين ومتعلموش حاجة، أنتي خارج تقييمي أو تقييم غيري محدش ليه أنه يقيم أنا كنت غيرانه على المهنة في وقت ظهر ناس كتير أوي مالهمش معنى، أهلا بيكي زميلة جميلة رقيقة مع ضيوفك بتحطي السم في العسل البرنامج رقم واحد في رمضان هارد توك، وإن شاء الله من نجاح لنجاح وكل التحية لميلاد أبي رعد الجندي المجهول وراء نجاح القاهرة والناس وصانع النجوم الأول.. أنا اسفه”.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى