تصدرت الفنانة صبا مبارك محركات البحث بعد لقائها مع الإعلامي عمرو أديب خلال برنامج الحكاية وتحدثت عن فيلم بنات عبد الرحمن أنه أول فيلم أنتجته وأنه مجازفة لم أندم عليها، وقالت عرض عليا الفيلم من أربع سنين من اللحظة اللي قريت فيها الاسكربت للمرة الأولى اتجننت وقولت لازم أعمله،الفيلم متهم بالتشدد في نسويته، لكن عدد كبير من الرجالة شافوا الفيلم وانتصروا لشخصياته.
فيلم بنات عبدالرحمن
وأضافت: رسالة بنات عبد الرحمن إن الرجالة مظلومين زي الستات بالضبط في المنظومة والمجتمع،العالم العربي به عدم تكافؤ في الفرص بين الرجل والمرأة،من أصعب الحاجات في الفيلم إني كنت مضطرة أتخن 10 أو 12 كيلو وفوق ده لابسة بدلة بتتخن.
وعن الارتباط قالت أرفض الارتباط برجل أقل نجاحا مني،وعلقت عن الشروط التى يجب توفرها فى الممثلة قائلة مش شرط الممثلة تبقى حلوة المهم تبقى كاريزما.
صبا مبارك هيفاء وهبي زي القمر
وتابعت: مش مطلوب من الممثلة تكون ملكة جمال وفى ممثلات حلوة زي ياسمين صبري ودرة ودينا الشربيني وأضافت مبستحملش التنمر عامة وشخص مش عاجبك شكله متبصش عليه وسيبه الناس في حالها و هيفاء وهبي ست زي القمر وأرفض التنمر عليها،المشاهير مش بلاستيك دون قلب ومشاعر وفى كلام ممكن يجرحهم.
المرأة تعامل بقسوة
وأكملت: المرأة تعامل بقسوة مع تقدمها في العمر ويتم الهجوم عليها لفقدان جمالها أو زيادة وزنها الستات بتحب الهدية وحب الشنط مفروض علينا،خروجاتي قليلة والسوشيال ميديا شيء غريب بالنسبة لي وأقضى الكثير من الوقت في القراءة،لا أحب التسوق وأضطر للقيام به قبل الأدوار التي أمثلها ،لم أقرر حتى الآن المشاركة في موسم رمضان 2023.
