رصدت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، أجواء الأسر المصرية واستعداداتهم لشراء جميع مستلزمات المدارس، استعدادا لانطلاق العام الدراسي الجديد بمختلف المراحل التعليمية.
ووجهت عبير سؤالا لأولياء الأمور، قائله: “ياتري اشتريتوا مستلزمات المدارس ولا لسه.. وكلموني عن أفضل وأجود الأنواع سواء الشنط أو اللانش بوكس وغيره”، وذلك علي صفحة إتحاد أمهات مصر للنهوض بالتعليم وإئتلاف أولياء الأمور، في الفيسبوك.
وانهالت عشرات التعليقات علي المنشور من جانب الأمهات من أولياء الأمور، حيث قالت ولي أمر: “اشترينا الشنطة، طبعا الأسعار مرتفعة جدا وبعض الأدوات المدرسية وفى انتظار السابلايز عشان نكمل باقى الأدوات، لسه اليونيفورم منزلش فى المدرسة وطبعا أكيد أسعاره مرتفعة ربنا معانا ويقوينا”.
وأضافت ولي أمر أخري: “مجبتش شنط علشان عنده شنطته بحالتها،
جبنا لانش بوكس، وجبتله ازازة للعصير، والحمد لله معندناش سبلايز، هو قلم رصاص واستيكة وعلبة الوان اللي تعجبه براحته”، وتابعت أخري: “هنقضي السنه دي بحاجات السنه اللي فاتت حالتها كويسه الحمد لله”، والبعض الآخر أكد علي شراء اغاب مستلزماتهم من الفجالة.
وفي ذات السياق، أشادت عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، بقيام وزارة التربية والتعليم والتعليم الفني بتفعيل معارض “أهلا مدرستى” للأدوات المدرسية بأسعار مناسبة على مستوى الإدارات التعليمية والمديريات التعليمية لتخفيف العبء عن كاهل الأسر، مؤكده علي ضرورة مشاركة مؤسسات المجتمع المدني في إنشاء المعارض بأسعار مخفضة بجميع المحافظات للتخفيف عن أولياء الأمور.
