كتبت : أميرة غيط ايه الحال لو في يوم صادفت حب مش من حقك، ساعات كتير بيحصل لنا كده، ولو فكرنا في الأمر هتلاقي ان ممكن الإمر ده حصل لحكمة، يمكن تخرج من الموقف ده بإرادة جديدة تخليك انسان جديد، و ممكن الموقف ده يخليك تعيد تفكيرك في حياتك اللي كانت ملخبطة و تغير حاجات كتير، مكنتش اصلا ناوي تفكر فيها اصلا، على قدر ما بيوجعك اوي لما تصادف الموقف ده، و قلبك يبقى طاير في السما وهو عارف انه مصيره ينزل تاني الأرض على قدر ما ممكن تستفيد من الحكاية، انت وتفكيرك وتصرفك وقتها. بس الإمر المؤكد انك لما تتنازل عن حاجة مش من حقك حتى لو كانت حياة قلبك اكيد ربنا هيعوضك باللي يبقى من حقك.
